بيىل 173 ءمۇعالىم اراسىنان ۇزدىك پەداگوگتار انىقتالادى
173 ءمۇعالىم «ۇزدىك پەداگوگ-2021» اتاعىنا ۇمىتكەر. بۇگىنگى تاڭدا رەسپۋبليكالىق كوميسسيا ۇزدىكتەردى تاڭداۋ بويىنشا جۇمىس جۇرگىزىپ جاتىر، دەپ حابارلايدى Almaty-akshamy.kz.
24.kz سايتىنىڭ حابارلاۋىنشا، كاسىبي مەرەكە قارساڭىندا ەلىمىزدىڭ ەلۋدەن استام ءمۇعالىمى «ۇزدىك پەداگوگ» اتاعىنا يە بولادى. اۋقىمدى بايقاۋعا قاتىسۋشىلار اراسىندا 132 مەكتەپكە دەيىنگى جانە ورتا ءبىلىم بەرۋ، 41 تەحنيكالىق جانە كاسىپتىك ءبىلىم بەرۋ ۇيىمىنىڭ پەداگوگتەرى بار. ولاردىڭ بارلىعى اۋداندىق، قالالىق جانە وبلىستىق كەزەڭنىڭ قورىتىندىسى بويىنشا ۇسىنىلدى. «وتكەن جىلدان باستاپ كونكۋرسقا قاتىسۋ ءۇشىن وتىنىمدەر، ماتەريالدار ەلەكتروندىق فورماتتا قابىلدانادى.
«ۇزدىك پەداگوگ» اتاعىنا ءبىلىم بەرۋ ۇيىمدارىندا جۇمىس ىستەيتىن جانە كەمىندە بەس جىل ۇزدىكسىز پەداگوگيكالىق ءوتىلى بار مۇعالىمدەر ۇمىتكەر بولا الادى. كونكۋرس شەڭبەرىندە پەداگوگتىڭ ءبىلىم بەرۋدى دامىتۋعا قوسقان ۇلەسى، پەداگوگ قىزمەتىنىڭ ناتيجەلىلىگى جانە ونىڭ كاسىبي شەبەرلىگى ەسكەرىلەتىن بولادى»، – دەپ اتاپ ءوتتى ق ر ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ ءتورايىمى گۇلميرا كارىموۆا.
رەسپۋبليكالىق كونكۋرستىق كوميسسيانىڭ قازىلار القاسىنىڭ قۇرامىنا قوعامدىق بىرلەستىكتەردىڭ، ۇكىمەتتىك ەمەس ۇيىمداردىڭ، اتا-انالار قاۋىمداستىعىنىڭ، «اتامەكەن» ۇكپ وكىلدەرى، جۋرناليستەر، بەلسەندى پەداگوگتەر، قازاقستاندىق سالالىق ءبىلىم جانە عىلىم قىزمەتكەرلەرى كاسىپوداعىنىڭ وكىلدەرى جانە تاعى باسقالار كىردى.
ايتا كەتەيىك، «ۇزدىك پەداگوگ» رەسپۋبليكالىق بايقاۋى 2012 جىلدان بەرى وتكىزىلىپ كەلەدى. وسى ۋاقىت ىشىندە كونكۋرس اياسىندا 500-گە جۋىق مەكتەپكە دەيىنگى جانە ورتا، تەحنيكالىق جانە كاسىپتىك ءبىلىم بەرۋ ۇيىمىنىڭ پەداگوگى ماراپاتتالدى. «ۇزدىك پەداگوگ» اتاعىنىڭ يەگەرلەرى توسبەلگى مەن 3 ملن تەڭگە (1000 اەك) كولەمىندە اقشالاي سىياقى الادى.
رەسپۋبليكالىق ماراپاتتان باسقا، «پەداگوگ مارتەبەسى تۋرالى» زاڭ شەڭبەرىندە اكىمدىكتەر ءبىرجولعى اقشالاي تولەمدەرى بار جەرگىلىكتى ناگرادالاردى تاعايىندادى.