ەلوردادا بەيسەن قۇرانبەك اتىنداعى «جىگەر» بايقاۋىنىڭ جەڭىمپازدارى انىقتالىپ، ماراپاتتالدى، دەپ حابارلايدى almaty-akshamy.kz inform.kz سىلتەمە جاساپ.
«ءوز باسىم بەيسەن باۋىرىمىزدىڭ وسى ومىردە قالدىرعان ەڭبەگى ەلەۋسىز قالماي، وسىنداي بايقاۋ ارقىلى جاڭعىرىپ جاتقانىنا قۋانىشتىمىن. بايقاۋعا قاتىسۋشىلاردىڭ دەنى جاستار بولدى. راسى كەرەك، جەڭىمپازداردى انىقتاۋ قيىنعا سوقتى. بارلىعى 100 ءوتىنىش كەلىپ ءتۇستى. بەيسەننىڭ باعدارلاما جۇرگىزگەندە وزىندىك پرينسيپتەرى بولدى. ونىڭ سويلەۋ ماقامى، ءوزىن ۇستاۋى، جۋرناليستىك ەتيكاسى تۇتاس ءبىر دۇنيە. بەيسەن نەگىزىنەن الەۋمەتتىك باعدارلامالاردى جۇرگىزگەننەن حالىققا جاقىن بولدى، قايىرىمدىلىقپەن اينالىستى. بايقاۋ بارىسىندا ايماقتاعى تىلشىلەرگە ءمان بەرىپ، قولداۋ كورسەتۋگە تىرىستىق»، - دەدى ەلىمىزگە تانىمال تەلەجۋرناليست ارمان سقابىل ۇلى.
بەيسەن قۇرانبەك اتىنداعى «جىگەر» بايقاۋىنىڭ جەڭىمپازدارى:
ءى ورىن - Jetisy تەلەارناسىنىڭ رەداكتورى ءسانيا بايتاروۆا.
ءىى ورىن - Aqtobe تەلەارناسىنىڭ رەداكتورى ەرلان مۇقانوۆ.
ءىىى ورىن - «Qazsport» تەلەارناسىنىڭ رەداكتورى ينديرا بەكتەنوۆا.
«بەيسەن اعامىزدىڭ بەينەسى ەسىمىزدە ماڭگى قالارى ءسوزسىز. تالدىقورعانداعى اعامىزدىڭ كابينەتىندە ۇلكەن پورترەتى تۇر. ءبىز سوعان قاراپ، اعامىز ءالى ورتامىزدا جۇرگەندەي سەزىنەمىز. كەيدە قاراپ، كوزىمىزگە جاس الامىز، ءبىر قاراعاندا، اعام ماعان جول كورسەتىپ تۇرعانداي كورىنەدى. بەيسەن اعامىز باسقارعان "جەتىسۋ" تەلەارناسىنىڭ ۇجىمى وتە ۇيىمشىل بولدى. جەڭىمپاز اتانۋ - مەن ءۇشىن ۇلكەن قۇرمەت. ۇيىمداستىرۋشىلارعا العىسىمدى بىلدىرەمىن. جەڭىس جالعىز مەنىكى ەمەس، ورتاق دەپ ەسەپتەيمىن»، - دەدى بايقاۋ جەڭىمپازى ءسانيا بايتاروۆا.
اتالعان بايقاۋ جەڭىمپازدارى ءداستۇرلى «Astana Media Week – 2021» مەديا اپتالىعىنىڭ اشىلۋى سالتاناتىندا ماراپاتتالدى.
ايتا كەتەيىك، بۇگىن باستالعان AMW-2021 بارىسىندا حالىقارالىق مەدياقاۋىمداستىق مۇشەلەرى اقپاراتتىق كۇن ءتارتىبىنىڭ وزەكتى ماسەلەلەرىن كوتەرەدى. ءىس-شاراعا الەمدىك باق-تىڭ توپ-مەنەدجەرلەرى، مەملەكەتتىك اپپارات وكىلدەرى، تانىمال جۋرناليستەر، دوكۋمەنتاليستەر جانە اقش، ۇلىبريتانيا، رەسەي، قازاقستان، وزبەكستان، قىرعىزستان بلوگەرلەرى قاتىسىپ جاتىر.