مەملەكەت باسشىسى ق.ك. توقايەۆتىڭ «Egemen Qazaqstan» گازەتىندە جاريالانعان سۇحباتى قوعامنىڭ كوكەيىندە جۇرگەن تالاي تۇيىتكىلدى سۇراقتارعا شىنايى جاۋاپ بەرگەن اشىق اڭگىمە بولدى. مەملەكەتتىڭ دامۋى، قوعامنىڭ بولاشاعى، ىشكى-سىرتقى ساياسات تولىق قامتىلدى.
ءقازىر الەمدىك ساياسات اۋمالى-توكپەلى كۇردەلى كەزەڭدى باستان وتكەرۋدە. كوپتەگەن ايماقتاردا جانجالدار ورىن الۋدا. وسىنداي سىندارلى كەزەڭدە ەلىمىز قانداي ساياسات ۇستانىپ، قاي باعىتتا دامۋى كەرەك ەكەنى سۇحباتتا ناقتى ايتىلعان. پرەزيدەنتتىڭ الەم ەلدەرىمەن ينتەگراسيالىق بايلانىس تەرەڭدەي بەرەدى، اسىرەسە كورشىلەس رەسەي مەن قىتايمەن ساۋدا ەكونوميكالىق ارىپتەستىك جاڭاشا قارقىن الۋ كەرەك دەگەنى وتە ورىندى پىكىر بولدى. سەبەبى بۇگىندە جۇڭگو مەملەكەتى دامۋدىڭ جاڭا ساتىسىنا كوتەرىلگەن اسا ءىرى قۋاتتى ەل. وسى الەۋەتتى ءتيىمدى پايدالانۋ ءبىزدىڭ دامۋىمىزعا جاڭاشا سيپات بەرمەك. سۇحبات بارىسىندا پرەزيدەنت وسى ماسەلەنى ناقتى ءارى ءدال اتاپ ءوتتى.
سونداي-اق جاستار ماسەلەسى دە سۇحباتتىڭ سۇبەلى بولىگى بولدى. ەلىمىزدىڭ بولاشاعىن ءبىلىمدى دە بىلىكتى جاستار قالىپتاستىرادى. ءقازىر ولاردىڭ بارلىق الەۋەتىن كورسەتەتىن مۇمكىندىكتەر بار دەگەن پرەزيدەنت، الداعى ۋاقىتتا دا باستى نازار وقۋ مەن بىلىمگە، كاسىبي دامۋعا ارنالاتىنىنا توقتالدى. يا، راسىمەن دە ءقازىر جاستار ماسەلەسىنە ءبىلىم مەن عىلىمعا ەرەكشە قولداۋ جاسالۋدا. مىسالى مۇنىڭ ناقتى دالەلىن ءال فارابي اتىنداعى قازاق ۇلتتىق ۋنيۆەرسيتەتىنەن انىق بايقالعان بولادى. جىل سايىن گرانتتار قاتارى ارتۋدا. جاڭا وقۋ عيماراتتارى مەن ستۋدەنتتەردىڭ دامۋىنا ارنالعان ءتۇرلى باعىتتار كوپتەپ اشىلۋدا. جاستاردى الەۋمەتتىك تۇرعىدان قولداۋ ارتتى. مۇنىڭ بارلىعى مەملەكەتتىڭ وڭ ساياساتىنىڭ ارقاسىندا جۇزەگە اسىپ وتىرعان يگىلىكتى ىستەر. پرەزيدەنت الداعى ۋاقىتتا دا وسىنداي وڭ قادامدار جالعاسادى بەرەتىن اتاپ ءوتتى.
قاسىرەتتى قاڭتار وقيعاسىنا قاتىستى دا بۇرىن-سوڭدى ايتىلماعان اقيقاتتاردى اشىپ ايتقاندىعى وتە ورىندى بولدى. ويتكەنى بۇل دا قوعامداعى وزەكتى ماسەلەنىڭ ءبىرى بولاتىن.
پرەزيدەنت ەلدىڭ بولاشاققا دەگەن سەنىمىن نىعايتىپ، ەكونوميكامىزدى دامىتۋ ءۇشىن تىنباي ەڭبەك ەتىپ كەلەدى. وتاندىق وندىرىسكە كوپتەگەن ينۆەستورلاردى تارتىپ، مەملەكەتىمىزدىڭ ىشكى دە سىرتقى جاعدايىنىڭ تۇراقتىلىعىن ارتتىرۋدا. مەملەكەت باسشىسى قاشان دا ادىلدىك پەن شىنايلىقتىڭ ۇلگىسى بولىپ تابىلادى. بۇگىنگى سۇحبات وسىنىڭ ناقتى دالەلى. ەل كوكەيىندە جۇرگەن سۇراقتارعا جاۋاپ بەرە وتىرىپ، پرەزيدەنتىمىز مەملەكەتىمىزدىڭ بولاشاعىنا قاتىستى سەنىمدى جانە ناقتى قادامداردىڭ جاسالعانىن، ولاردىڭ ساياسي، ەكونوميكالىق، زاڭنامالىق نەگىزدەرىنىڭ تولىق قالىپتاسقانىن جانە ەل ەكونوميكاسىنىڭ سەرپىندى دامۋىنا بارلىق العىشارتتاردىڭ بار ەكەندىگىن ايتتى. ول ءۇشىن ەلىمىزدىڭ تۇتاستىعى، وعان نەگىز بولاتىن حالقىمىزدىڭ ىنتىماعى مەن بىرلىگىنىڭ اسا ماڭىزدىلىعىن باسا ايتتى.
ۇلتىمىز بەن ۇرپاعىمىزدىڭ بولاشاعى ءۇشىن، ءاربىر قازاقستاندىقتىڭ جۇدىرىقتاي بىرىگىپ، جۇمىلا ەڭبەك ەتۋى ماڭىزدى ەكەندىگىن تاعى دا اتاپ ءوتتى.
تاۋەلسىزدىك – باسىمىزداعى ب ا ق. ونى ايالاي ءبىلۋ – ءبارىمىزدىڭ مىندەتىمىز. سوندىقتان دا پرەزيدەنتتىڭ قوعام الدىنا قويىپ وتىرعان تالاپتارى وتە ورىندى ءارى ماڭىزدى. پاراسات پەن پايىمعا قۇرىلعان وسى سۇحبات، قوعام دامۋىنىڭ بولاشاعىن ايقىندايتىن ماڭىزدى قادامدارعا جول اشارى ءسوزسىز.
بولتايەۆا ايگۇل جانات قىزى
ءال فارابي اتىنداعى قازۇۋ "بيزنەس-تەحنولوگيالار" كافەدراسىنىڭ اعا وقىتۋشىسى