ەلورداداعى №1 كوپسالالى قالالىق اۋرۋحانانىڭ دارىگەرلەرى ءتۇرلى جاراقاتتار مەن سىرقاتتاردان كەيىن رەكونسترۋكسيالىق وتا جاساۋدى قاجەت ەتكەن 100-دەن اسا ناۋقاستىڭ ءومىر ءسۇرۋ جاعدايىن قالپىنا كەلتىردى.
پاسيەنتتەرگە بۇل كۇردەلى دە قىمبات وتالار – جوعارى مامانداندىرىلعان رەكونسترۋكسيالىق كومەك ءمامس جۇيەسى بويىنشا تەگىن جاسالادى، دەپ حابارلايدى اlmaty-akshamy.kz «الەۋمەتتىك مەديسينالىق ساقتاندىرۋ قورى» كەاق استانا فيليالىنا سىلتەمە جاساپ.
رەكونسترۋكسيالىق پلاستيكالىق حيرۋرگيا جاي عانا پلاستيكالىق حيرۋرگيا ەمەس. حيرۋرگيانىڭ بۇل سالاسى جاراقاتتاردىڭ، كۇيىكتەردىڭ، تۋا بىتكەن جانە جۇرە پايدا بولعان اقاۋلاردىڭ سالدارىن قالپىنا كەلتىرۋمەن اينالىسادى. رەكونسترۋكسيالىق حيرۋرگيانىڭ ماقساتى – ەڭ الدىمەن دەنە مۇشەلەرىنىڭ قىزمەتىن، سونداي-اق ەستەتيكالىق كورىنىسىن قالپىنا كەلتىرۋ.
«رەكونسترۋكسيالىق حيرۋرگياداعى ءاربىر دەرلىك جاعداي جان-جاقتى دايىندىقتى جانە ۇزاق ۋاقىت قالپىنا كەلتىرۋدى قاجەت ەتەدى. ءبىزدىڭ پاسيەنتتەرىمىزدىڭ جاعدايىندا كوبىنە حيرۋرگيالىق ارالاسۋدىڭ بىرنەشە ساتىسىن قاجەت ەتەدى. ەڭ باستىسى، بۇل وتالاردى پاسيەنتتەرگە تەگىن ءمامس اياسىندا جاساۋعا مۇمكىندىگىمىز بار، ايتپەسە، ويلاپ قاراڭىز، تەك ءبىر ناۋقاسقا ساپالى ءومىر سالتىنا ورالۋ ءۇشىن شامامەن 8-9 قىمبات وتا قاجەت بولۋى مۇمكىن»، - دەيدى استانا قالاسىنداعى №1 كوپسالالى قالالىق اۋرۋحانانىڭ جوعارى ساناتتى پلاستيكالىق حيرۋرگى نۇرلىبەك بەكباۋوۆ.
وسىنداي ناۋقاستاردىڭ ءبىرى ەرجان ەلەكتريك بولىپ جۇمىس ىستەيدى، ول جۇمىس كەزىندە ەلەكتر توعىنان جاراقاتتانعان. حيرۋرگتىڭ ايتۋىنشا، باستاپقىدا ەكى قولدى دا كەسۋ تۋرالى ءسوز بولعان، ءبىراق دارىگەرلەر قولدىڭ ۇستىڭگى بولىگى مەن ساۋساقتارىن امان الىپ قالعان، ءبارى ورنىندا. ءۇش رەت قالپىنا كەلتىرۋ كەزەڭىنەن وتكەننەن كەيىن ەكى قولىمەن دە بۇرىنعىداي جۇمىس ىستەي الاتىن بولدى.
«ءمامس جۇيەسىنىڭ ارقاسىندا مەن بارلىق مەديسينالىق قىزمەتتەردى تەگىن الدىم. وتادان كەيىن قولدارىم الدەقايدا جاقسى قوزعالا باستادى، قولدارىمدى ەركىن اشىپ-جۇما الامىن. تەرىسى دە جۇمساردى. قالپىنا كەلتىرۋ بويىنشا دارىگەر ايتقان بارلىق ۇسىنىمداردى ورىندايمىن»،– دەدى پاسيەنت.
دارىگەردىڭ ايتۋىنشا، كوپ ازاماتتار ەل ىشىندە ءمامس جۇيەسىندە تەگىن ەمدەلۋ مۇمكىندىگىن بىلە بەرمەيدى، شەتەلدىك ەمحانالاردى تاڭدايدى نەمەسە مۇلدە ەمدەلمەي جۇرە بەرەدى. قازىرگى ۋاقىتتا پورتال ارقىلى 24 ءتۇرلى پاتولوگيانى ەمدەۋگە بولادى. ولار: قاباقتىڭ جۇمىسىن بۇزاتىن اقاۋلار، كۇيىك پەن ۇسىك شالۋدىڭ سالدارى، باس سۇيەگىنىڭ، بەتتىڭ سۇيەكتەرىنىڭ اقاۋلارى، ت.ب.
ەلوردادا مۇنداي رەكونسترۋكسيالىق وتالار سانى جىل ساناپ ارتىپ كەلەدى. ماسەلەن، 2023 جىلى ءمامس جۇيەسى بويىنشا ءبىر عانا №1 قالالىق اۋرۋحانادا 100-دەن استام ناۋقاسقا رەكونسترۋكسيالىق وتا جاسالدى. وتكەن جىلدارى ورتاشا ەسەپپەن 70-80 ادام ەمدەلگەن.