قازاقستاننىڭ ءبىرىنشى، الەمنىڭ 4-راكەتكاسى ەلەنا رىباكينا بريسبەن (اۋستراليا) WTA 500 ءتۋرنيرىنىڭ فينالىنا شىقتى، دەپ حابارلايدى اlmaty-akshamy.kz
جارىستىڭ 2-راكەتكاسى بولىپ تىركەلگەن قازاقستاندىق تەننيسشى جارتىلاي فينالدا دۇنيەجۇزىلىك رەيتينگتە 40-ورىندا تۇرعان 19 جاستاعى چەحيالىق ليندا نوسكوۆامەن شەبەرلىك بايقاستى.
وسىعان دەيىن قوس تەننيسشى وتكەن جىلى فرانسيا اشق چەمپيوناتىندا كەزدەسىپ، وندا ە.رىباكينا 6:3، 6:3 ەسەبىمەن جەڭگەن ەدى.
بۇل جولى ءبىرىنشى پارتيانى قازاقستاندىق سپورتشى قارقىندى باستادى — 3:0. سول باسىمدىلىعىنان سەت بىتكەنشە ايىرىلعان جوق — 6:3.
ەكىنشى سەتتە ەسەپ 1:1 بولعان مەزەتتە رىباكينا برەيكپەن العا شىقتى. سودان كەيىن تاعى ءبىر برەيك جاساپ، ماچتى جەڭىسپەن تۇيىندەدى — 6:2.
ءبىر ساعات 5 مينۋتقا سوزىلعان باسەكە بارىسىندا ەلەنا 8 ەيس جاساپ، 5 برەيك-پوينتتىڭ ۇشەۋىن ءمۇلت جىبەرگەن جوق. ل.نوسكوۆا 1 ەيسپەن شەكتەلدى.
ەلەنا رىباكينا فينالدا قوس بەلورۋسسيالىق، الەمنىڭ 2-راكەتكاسى ارينا سوبولەنكو نەمەسە رەيتينگتە 23-ساتىداعى ۆيكتوريا ازارەنكونىڭ بىرەۋىمەن باس جۇلدەنى ساراپقا سالادى.