ق ر ەنەرگەتيكا مينيسترلىگىنىڭ تابيعي مونوپوليالاردى رەتتەۋ كوميتەتى ەلىمىزدىڭ ءبىرقاتار وڭىرلەرىندە جىلۋ تاريفتەرىنىڭ ارزانداعانىن حابارلادى.
بۇگىنگى كۇنى جىلۋ ەنەرگياسىن ءوندىرۋ كەزىندە وتىننىڭ نەگىزگى ءتۇرى 6 وڭىردە (سولتۇستىك قازاقستان، پاۆلودار، قاراعاندى، الماتى، شىعىس قازاقستان جانە اقمولا وبلىستارىندا) كومىر، 8 وڭىردە (شىمكەنت قالاسى، اقتوبە، قوستاناي، ماڭعىستاۋ، جامبىل، باتىس قازاقستان، قىزىلوردا، اتىراۋ وبلىستارىندا) مازۋت جانە تابيعي گاز، 3 وڭىردە (نۇر-سۇلتان، الماتى قالالارى جانە تۇركىستان وبلىسى) كومىر مەن گاز بولىپ تابىلادى، دەپ حابارلايدى Almaty-akshamy.kz
بۇدان بۇرىن حابارلانعانداي، «قازترانگاز ايماق» اق-نىڭ جابدىقتاۋ ۇستەمەسىنىڭ دەڭگەيىن تومەندەتۋ بولىگىندە اتقارىلعان جۇمىس ناتيجەسىندە ق ر ۇەم تابيعي مونوپوليالاردى رەتتەۋ كوميتەتى 2022 جىلعى 1 اقپاننان باستاپ قولدانىسقا ەنگىزىلە وتىرىپ، كوپتەگەن وڭىرلەردە تۇتىنۋشىلار ءۇشىن تاۋارلىق گازدىڭ تۇپكىلىكتى شەكتى باعالارىن 0،34%-دان 38،96%-عا دەيىن تومەندەتۋگە قول جەتكىزدى.
تابيعي مونوپوليالار تۋرالى زاڭناماعا سايكەس تابيعي مونوپوليالار سۋبەكتىلەرى جىلۋ ەنەرگياسىن ءوندىرۋ ءۇشىن وتىن رەتىندە پايدالاناتىن گاز ستراتەگيالىق تاۋار بولىپ تابىلادى. ستراتەگيالىق تاۋارلار باعاسىنىڭ دەڭگەيى كوممۋنالدىق قىزمەتتەر ءتاريفىنىڭ سوڭعى دەڭگەيىنە ايتارلىقتاي اسەر ەتەتىنىن اتاپ وتكەن ءجون.
وسىلايشا، «قازترانسگاز ايماق» اق-نىڭ تاۋارلىق گازدى بولشەك ساۋدادا وتكىزۋ جونىندەگى قىزمەتتەرگە شەكتى باعالارىنىڭ وزگەرۋىن ەسكەرە وتىرىپ، جىلۋ ەنەرگياسىنا تاريف دەڭگەيى كەلەسىدەي تومەندەدى:
2022 جىلدىڭ اقپان ايىنان باستاپ:
اتىراۋ قالاسى - 2،36%؛
تاراز ق. - 0،45%؛
قوستاناي ق. - 2،90%؛
قىزىلوردا ق. - 0،87%؛
شىمكەنت ق. - 0،22%.
2022 جىلدىڭ ناۋرىز ايىنان باستاپ:
ورال قالاسى - 0،76%؛
تۇركىستان ق - 0،84%.
بۇل رەتتە ەلدىڭ جەكەلەگەن وڭىرلەرىندە تاۋارلىق گازدى بولشەك ساۋدادا وتكىزۋدىڭ تومەندەۋى جىلۋ ەنەرگياسىنىڭ وزىندىك قۇنىنا اسەر ەتكەن جوق.