بۇل تۋرالى ق ر ساۋدا جانە ينتەگراسيا مينيسترلىگى تۇتىنۋشىلاردىڭ قۇقىعىن قورعاۋ كوميتەتى ءتوراعاسىنىڭ ورىنباسارى سەرىك قۇسايىنوۆ ايتىپ بەردى.
بۇگىندە ەلىمىزدە ينتەرنەت ارقىلى ساۋدا جاساۋ جاقسى جولعا قويىلعان. ياعني ۇيدە وتىرىپ كەز كەلگەن تاۋارعا تاپسىرىس بەرىپ، ساتىپ الۋ مۇمكىندىگى بار. وسى ورايدا تۇتىنۋشىلاردىڭ قۇقىعى قالاي قورعالىپ جاتقانى ايتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«تاۋاردى ينتەرنەر ارقىلى ساتىپ الۋ قاشىقتان جاسالاتىن ساۋدا تۇرىنە جاتادى. قاشىقتان جاسالاتىن ساۋدا بارىسى زاڭمەن قاداعالانادى. سونىمەن قاتار ساۋدا مينيسترلىگىندە ىشكى ساۋدا ەرەجەسى دەگەن نورماتيۆتىك اكت بار. وندا ەلەكتروندى ساۋدانى رەتتەۋگە قاتىستى بارلىق جايتتار انىق جازىلعان. ەندىگى ۋاقىتتا سول نورماتيۆتىك اكت ەرەجەسىن «تۇتىنۋشىلاردىڭ قۇقىعىن قورعاۋ» تۋرالى سالالىق زاڭعا ەنگىزۋدى جوسپارلاپ وتىرمىز. سەبەبى ساۋدا مينيسترلىگىندە ينتەرنەت ساۋداعا قاتىستى وسىنداي بۇيرىقتىڭ بارىن ەكىنىڭ ءبىرى بىلە بەرمەيدى»، - دەدى سەرىك قۇسايىنوۆ ب ا ق وكىلدەرىمەن كەزدەسۋ بارىسىندا.
ونىڭ ايتۋىنشا، ينتەرنەت ارقىلى ساۋدا جاساۋداعى بار كەدەرگىلەردى جويۋ كەرەك.
«ينتەرنەت ارقىلى ساۋدا جاسايتىن تۇتىنۋشىلاردىڭ قۇقىعىن قورعاۋ ءۇشىن ءبىز زاڭعا ءتيىستى وزگەرىس ەنگىزۋدى قالايمىز. بۇرىن ينتەرنەت ساۋداسى اسا دامىعان ەمەس. پاندەميا باستالعان سوڭ بارلىعى ونلاينعا كوشە باستادى»، - دەيدى ول.