تۇركىستان وبلىسىنىڭ ءتۇرلى قۇرىلىس نىساندارىندا قۇجاتسىز جۇمىس ىستەپ جۇرگەن 633 شەتەل ازاماتى انىقتالدى
بۇل تۋرالى ق ر ءىىم كوشى-قون قىزمەتىنىڭ ەرەكشە تاپسىرمالار جونىندەگى اعا ينسپەكتورى باۋىرجان وماروۆ ءمالىم ەتتى، دەپ حابارلايدى Almaty-akshamy.kz.
«تۇركىستان وبلىسىنىڭ ءتۇرلى قۇرىلىس نىساندارىندا قۇجاتسىز جۇمىس ىستەپ جۇرگەن 633 شەتەل ازاماتى انىقتالدى. ءدال وسىنداي فاكتىلەر شىمكەنت قالاسىندا، اقمولا، اتىراۋ، شىعىس قازاقستان وبلىستارىندا بەلگىلى بولدى. زاڭسىز جۇمىس ىستەگەن شەتەلدىكتەر مەن ولاردىڭ جۇمىس بەرۋشىلەرگە جاۋاپكەرشىلىككە تارتىلدى»، - دەدى ول ىشكى ىستەر مينيسترلىگىندە وتكەن بريفينگ بارىسىندا.
ونىڭ اتاپ وتۋىنشە، ازاماتتارىمىز دا جەڭىل جولمەن پايدا تابۋ ماقساتىندا شەتەلدىكتەرگە تۇرعىن جاي ۇسىنادى نەمەسە كوشى-قون زاڭنااسىن بۇزاتىن زاڭسىز كوشى-قونعا كومەك كورسەتەدى.
«ماسەلەن، وسى جىلدىڭ قىركۇيەك ايىندا ەلىمىزدىڭ اۋماعىنا زاڭسىز كەلگەن 3 شەتەلدىككە تۇرعىن جاي بەرگەن. اتالعان فاكتى بويىنشا «تۇرعىن جاي بەرۋ ارقىلى زاڭسىز كوشى-قوندى ۇيىمداستىرۋعا» قاتىستى تەكسەرۋ ءجۇرىپ جاتىر»، - دەپ اتاپ ءوتتى باۋىرجان وماروۆ.