الماتى پوليسەيلەرى قايىرشىلاردىڭ ورنىن تەكسەردى
كوشى-قون قىزمەتىنىڭ مالىمەتىنشە، قوعامدىق ورىنداردا قايىر سۇراعاندار اراسىندا شەتەل ازاماتتارى كوپ، دەپ حابارلادى Almaty-akshamy.kz
«ايتپاقشى، بۇل كۇندەرى شاھاردا ءوتىپ جاتقان «كەلىمسەك» ءىس-شاراسىنا قاتىستى بالالى ايەلدەر انىقتالدى. ولار – وزبەكستان ازاماتتارى. بەلگىلى بولعانداي، ولار الماتىعا ارنايى قايىر سۇراۋ ءۇشىن كەلگەن. ايەلدەر ق ر اقبك-نىڭ 517-بابى 3-بولىگىندە كوزدەلگەن قۇقىق بۇزۋشىلىق بەلگىلەرى بويىنشا اكىمشىلىك جاۋاپكەرشىلىككە تارتىلدى. ولاردىڭ بالالارى نارەستەلەر ۇيىنە جىبەرىلدى. جالپى، جولدىڭ ءجۇرۋ بولىگىنىڭ ورتاسىندا قايىر سۇرايتىن ادامدار وزدەرىنە عانا ەمەس، جول قوزعالىسىنىڭ باسقا دا قاتىسۋشىلارىنا ءقاۋىپ توندىرەدى. پاترۋلدىك پوليسيا قىزمەتكەرلەرى قىزمەت بارىسىندا وسىنداي فاكتىلەردى انىقتاپ، ولاردى اۋداندىق پوليسيا باسقارماسىنا جەتكىزەدى. ەگەر ولاردىڭ اراسىندا شەتەلدىك ازاماتتار بار بولسا، ءبىزدىڭ بولىمشەنىڭ قىزمەتكەرلەرى كىرىسەدى»، – دەدى الماتى قالالىق پد كوشى-قون قىزمەتى باسقارماسى باستىعىنىڭ ورىنباسارى گەنناديي مەن.