وسى جىلدىڭ باسىنان بەرى سالىمشىلاردىڭ شوتىنا جالپى كولەمى 1،2 ترلن تەڭگە زەينەتاقى جارناسى اۋدارىلعان
2021 جىلعى 1 قازانداعى جاعداي بويىنشا، قازاقستان سالىمشىلارىنىڭ زەينەتاقى جيناعىنىڭ سوماسى 13،1 تريلليون تەڭگە بولدى، دەپ حابارلايدى Almaty-akshamy.kz
«2021 جىلدىڭ قازانىنا قاراي ءبىرىڭعاي جيناقتاۋشى زەينەتاقى قورى سالىمشىلارىنىڭ شوتىندا 13،1 تريلليون تەڭگە زەينەتاقى جيناعى قالىپتاستى. ءبىر جىلدا زەينەتاقى جيناعىنىڭ سوماسى 569،5 ميلليارد تەڭگەگە پارا-پار نەمەسە 5%-عا ءوستى»،– دەلىنگەن حابارلامادا.
زەينەتاقى جيناقتارىنىڭ نەگىزگى سوماسى مىندەتتى زەينەتاقى جارناسى ەسەبىنەن قالىپتاستى، ونىڭ مولشەرى - 12،7 ترلن تەڭگە. مىندەتتى كاسىپتىك زەينەتاقى جارناسى بويىنشا زەينەتاقى جيناعىنىڭ سوماسى 349،5 ملرد تەڭگە، ال ەرىكتى زەينەتاقى جارناسى بويىنشا زەينەتاقى جيناعىنىڭ سوماسى 1،6 ملرد تەڭگەدەن استى. 2021 جىلدىڭ باسىنان بەرى سالىمشىلاردىڭ شوتىنا جالپى كولەمى 1،2 ترلن تەڭگە زەينەتاقى جارناسى اۋدارىلعان، بىلتىرعى جىلدىڭ وسى كەزەڭىندەگى كورسەتكىشتەن 439،5 ملرد تەڭگەگە نەمەسە 57 پايىز جوعارى. جىل باسىنان بەرى بجزق سالىمشىلارىنا شامامەن 2،1 ترلن تەڭگە تولەندى، تولەمدەردىڭ باسىم بولىگىن ءبىرجولعى زەينەتاقى تولەمى (بزت) قۇرادى، ونىڭ كولەمى – 1،9 ترلن تەڭگە. تولەمدەر سوماسى بويىنشا ەكىنشى ورىندا جاسى بويىنشا تولەمدەر – 71،6 ميلليارد تەڭگە. ودان ءارى ساقتاندىرۋ ۇيىمدارىنا اۋدارىمدار، ول شامامەن 47،6 ميلليارد تەڭگە، مۇراگەرلىك بويىنشا تولەمدەر – 43،3 ميلليارد تەڭگە، قازاقستان رەسپۋبليكاسىنان تىس تىس تۇرعىلىقتى تۇراتىن جەرگە كەتۋ– 29،1 ميلليارد تەڭگە، جەرلەۋگە – 4،0 ميلليارد تەڭگە جانە مۇگەدەكتىك بويىنشا تولەمدەر - 1،6 ميلليارد تەڭگە.