ەلىمىزدىڭ بىرنەشە وبلىسىندا اۋا رايىنىڭ قولايسىزدىعىنا بايلانىستى رەسپۋبليكالىق ماڭىزى بار جولدار جابىلدى

كۇن رايى كۇرت وزگەردى، الىس جولعا  شىعۋدان اباي بولىڭىزدار!

«قازاۆتوجول» ۇلتتىق كومپانياسى» اكسيونەرلىك قوعامىنىڭ باسپا ءسوز قىزمەتى كۇن رايىنىڭ كۇرت ناشارلاۋىنا بايلانىستى ەلىمىزدىڭ بىرنەشە ايماعىندا كولىكتىڭ بارلىق تۇرلەرى ءۇشىن قوزعالىس شەكتەلگەنىن ءمالىم ەتتى، دەپ حابارلايدى Almaty-akshamy.kz

اقمولا وبلىسى:

11 ناۋرىز ساعات 13.00-دە «جەزقازعان – پەتروپاۆل» اۆتوجولىنىڭ 377-440 شاقىرىم ارالىعى.

اقتوبە وبلىسى:

11 ناۋرىز ساعات 11.00-دە «سامارا-شىمكەنت»، 776-1240 شاقىرىم ارالىعى. 11 ناۋرىز ساعات 13.00-دە «قارابۇتاق-كومسومولسكوە-دەنيسوۆكا-رۋدنىي-قوستاناي» اۆتوجولىنىڭ جۇك جانە اۆتوكولىكتىڭ قوعامدىق تۇرلەرى ءۇشىن 0-234 شاقىرىمدار ارالىعى.

قوستاناي وبلىسى:

11 ناۋرىز ساعات 13.00-دە اۋا رايىنىڭ ناشارلاۋىنا بايلانىستى (بوران، كورىنۋدى شەكتەۋ) اۆتوكولىكتەردىڭ بارلىق تۇرلەرى ءۇشىن اۆتوجولدىڭ مىنا بولىكتەرىندەگى قوزعالىسىنا شەكتەۋ ەنگىزىلدى:

1. «جەزقازعان-پەتروپاۆل» 252-377 شاقىرىم ارالىعى.

2. «قارابۇتاق-كومسومولسكوە-دەنيسوۆكا-رۋدنىي-قوستاناي» 234-262 شاقىرىم ارالىعى.

قىزىلوردا وبلىسى:

11 ناۋرىز ساعات 11.00-دە (ەلوردا ۋاقىتى بويىنشا) اۋا رايىنىڭ ناشارلاۋىنا بايلانىستى «سامارا-شىمكەنت» تاس جولىنىڭ 1240-1357 شاقىرىمىندا اۆتوكولىكتىڭ بارلىق تۇرلەرى ءۇشىن قوزعالىس شەكتەلدى.

«ازاماتتاردى اۋا رايى بولجامىن ءجىتى باقىلاپ، الىس ساپارعا شىقپاۋعا شاقىرامىز. شتاتتان تىس جاعداي تۋىنداسا، جۇرگىزۋشىلەر مەن جولاۋشىلار 1403 ءنومىرى بويىنشا قازاۆتوجول ۇك اق-نىڭ تاۋلىك بويى جۇمىس جاسايتىن call-ورتالىعىنا حابارلاسۋى قاجەت»، - دەپ جازىلعان حابارلامادا.