ەلىمىزدىڭ باسىم بولىگىندە تۇراقسىز اۋا رايى ساقتالادى

قازگيدرومەت  10 تامىزعا اۋا رايىن جاريالادى

وڭتۇستىك سيكلونمەن اتموسفەرالىق فرونتالدى بولىمدەردىڭ وتۋىنە بايلانىستى ەلىمىزدىڭ باسىم بولىگىندە تۇراقسىز اۋا رايى ساقتالادى: ەلىمىزدىڭ سولتۇستىگىندە، شىعىسىندا، ورتالىعىندا نايزاعاي ويناپ، جاڭبىر جاۋىپ، بۇرشاق تۇسەدى، داۋىل سوعادى.

ق ر باتىسىندا، وڭتۇستىك-باتىسىندا، سولتۇستىك-شىعىسىندا جاۋىن-شاشىنسىز اۋا رايى كۇتىلەدى. رەسپۋبليكا بويىنشا ەكپىندى جەل كۇتىلەدى. باتىستا تۇندە جانە تاڭەرتەڭ تۇمان كۇتىلەدى.

كۇندىز الماتى، اتىراۋ، ماڭعىستاۋ وبلىستارىندا، باتىس قازاقستان وبلىسىنىڭ وڭتۇستىك-باتىسىندا 35-42°س قاتتى ىستىق ساقتالادى.

اقمولا، اتىراۋ، باتىس قازاقستان وبلىستارىندا، پاۆلودار وبلىسىنىڭ وڭتۇستىك-شىعىسىندا، سولتۇستىك قازاقستان وبلىسىنىڭ وڭتۇستىگىندە جوعارى ءورت ءقاۋپى ساقاتالادى.

ماڭعىستاۋ، جامبىل، قىزىلوردا، جەتىسۋ، اباي وبلىستارىندا، تۇركىستان وبلىسىنىڭ سولتۇستىگىندە، باتىسىندا، ءشولدى اۋداندارىندا، شىعىس قازاقستان وبلىسىنىڭ باتىسىندا، سولتۇستىگىندە، الماتى وبلىسىنىڭ سولتۇستىگىندە، ورتالىعىندا، اقتوبە وبلىسىنىڭ ورتالىعىندا، وڭتۇستىگىندە، اتىراۋ، قوستاناي، قاراعاندى، ۇلىتاۋ وبلىستارىنىڭ وڭتۇستىگىندە، اقمولا وبلىسىنىڭ وڭتۇستىگىندە، باتىسىندا توتەنشە ءورت ءقاۋىپى ساقتالادى.