سۋ رەسۋرستارى جانە يرريگاسيا مينيسترلىگىنىڭ سۋ رەسۋرستارىن رەتتەۋ، قورعاۋ جانە پايدالانۋ كوميتەتى باسسەيندىك ينسپەكسيالاردى جاڭا جابدىقتارمەن قامتاماسىز ەتۋ بويىنشا جۇمىس جۇرگىزۋدە، دەپ حابارلايدى aqshamnews.kz.
Cالا مينيسترلىگىنىڭ مالىمەتىنشە، بۇگىنگى تاڭدا باسسەيندىك ينسپەكسيالارعا 18 جەڭىل اۆتوكولىك، كوپ فۋنكسيالى قۇرىلعىلار، سۋدىڭ جىلدامدىعى مەن شىعىنىن ولشەۋگە ارنالعان داچيكتەر بەرىلدى. سونداي-اق باسسەيندىك ينسپەكسيالار عيماراتتارىنا جوندەۋ جۇمىستارى جۇرگىزىلۋدە.
«سۋ رەسۋرستارىن رەتتەۋ، قورعاۋ جانە پايدالانۋ كوميتەتى سۋدىڭ «كولەڭكەلى» نارىعىنا قارسى كۇرەستى كۇشەيتۋ ءۇشىن قۇرىلعان. ۆەدومستۆو سۋدى زاڭسىز پايدالانۋمەن جانە ونى ەسەپكە الۋ دەرەكتەرىنىڭ بۇرمالانۋىمەن، سونداي-اق، ەلدىڭ سۋ وبەكتىلەرىندەگى قۇقىققا قارسى شارۋاشىلىق قىزمەتپەن كۇرەسەدى. قازىرگى ۋاقىتتا باسسەيندىك ينسپەكسيالار مەن مەملەكەتتىك سۋ ينسپەكتورلارىنىڭ فۋنكسيالارىن كەڭەيتۋ، جەدەل ارەكەت ەتۋدىڭ جاڭا قۇرالدارىن ەنگىزۋ بويىنشا جۇمىس اتقارۋلۋدا»، − دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.
بۇگىنگى تاڭدا باسسەيندىك ينسپەكسيالاردىڭ جالپى شتاتى 241 ادام. مينيسترلىك قۇرىلعاننان بەرى شتات سانى 1،5 ەسە ۇلعايدى. بۇل رەسپۋبليكانىڭ ءاربىر وبلىس ورتالىعىندا باسسەيندىك ينسپەكسيا بولىمدەرىن اشۋعا مۇمكىندىك بەردى.
ايتا كەتەيىك، ەلىمىزدە 8 باسسەيندىك ينسپەكسيا بار. ول ارال-سىرداريا، بالقاش-الاكول، ەرتىس، ەسىل، جايىق-كاسپيي، نۇرا-سارىسۋ، توبىل-تورعاي جانە شۋ-تالاس باسسەيندىك ينسپەكسيالارى.