قازاق مادەنيەتى مەن ەتنوگرافياسىنىڭ كورنەكتى زەرتتەۋشىسى، جازۋشى، پۋبليسيست بولات بوپاي ومىردەن ءوتتى، دەپ حابارلايدى aqshamnews.kz
بولات بوپاي – ۇلتتىق مۇرانى ناسيحاتتاۋدا، قازاقتىڭ ءسالت-داستۇرى مەن تۇرمىس-تىرشىلىگىن زەرتتەۋدە ولشەۋسىز ۇلەس قوسقان تۇلعا. ول ءومىرىنىڭ كوپ بولىگىن قازاق ەتنوگرافياسىن زەرتتەۋگە، كونە داستۇرلەردى قايتا جاڭعىرتۋعا ارناپ، ۇلت رۋحانياتى ءۇشىن تالماي ەڭبەك ەتتى.
جازۋشىنىڭ ەڭبەكتەرى حالىقتىڭ مادەنيەتىن، تۇرمىس-سالتىن، كوشپەلى وركەنيەتتىڭ ەرەكشەلىكتەرىن تەرەڭنەن تانىستىرىپ، وسكەلەڭ ۇرپاققا تاريحي تانىم بەرۋدى ماقسات ەتتى. ول ءوزىنىڭ زەرتتەۋلەرى ارقىلى اتا-بابامىزدىڭ ءومىر ءسۇرۋ سالتىن، ۇلتتىق كيىم، تاعام مادەنيەتى، تۇرمىستىق زاتتار مەن قولونەر ەرەكشەلىكتەرىن قايتا جانداندىرۋعا تىرىستى.
بولات بوپايدىڭ شىعارمالارى مەن ماقالالارى وقىرمانعا قازاق حالقىنىڭ ۇلتتىق بولمىسىن تەرەڭ تۇسىنۋگە مۇمكىندىك بەردى. ونىڭ ەڭبەكتەرى كوپتەگەن زەرتتەۋشىلەر مەن ەتنوگرافتار ءۇشىن قۇندى دەرەككوزگە اينالدى.
بولات بوپاي ۇلى 1960 جىلعى 1 قاڭتاردا قحر شىڭجاڭ ولكەسىنە قاراستى التاي ايماعىنىڭ كوكتوعاي اۋدانىندا دۇنيەگە كەلگەن.
1967-1977 جىلدارى كوكتوعاي اۋدانىندا قازاق تىلىندە باستاۋىش، ورتاۋ جانە ورتا مەكتەپتەردە وقىدى.
1978 -1081 جىلدارى شىنجاڭ «دەنە تاربيە ساڭلاعى» جۋرنالىندا جاۋاپتى رەداكتور بولىپ قىزمەت اتقاردى.
1982-1986 جىلدارى كۇيتىن قالاسىنداعى ىلە پەداگوگيكالىق ينستيتۋتىنىڭ قازاق ءتىلى مەن ادەبيەتى فاكۋلتەتىندە وقىپ، ءبىلىم تولىقتىردى.
1986-1992 جىلدارى ءۇرىمجى قالالىق 36-ورتا مەكتەپتە قازاق ءتىلى مەن ادەيەتىنەن ساباق بەرىپ، وقىتۋشىلىق مىندەت اتقاردى. ادەبيەت ءبولىمىنىڭ مەڭگەرۋشىلىك مىندەتىن قوسا وتەدى.
1993-1994 جىلدارى شىنجاڭ جاستار-ورەندەر باسپاسىندا قازاق رەداكسياسىنىڭ ءبولىم مەڭگەرۋشىسى "عىلىم بۇلاعى" جۋرنالىنىڭ جاۋاپتى رەداكتورى بولدى.
1995-1998 جىلدارى ق ر الماتى قالاسىنداعى كازمۋ دىڭ قازاق ادەبيەتى مەن تيەۆورياسى فاكۋلتەتىندە اسپيرانت بولىپ وقىدى.
1999-2004 جىلدىرى قازاق راديوسى شالقار باعدارلاماسىندا رەداقتورلىق مىندەت وتەدى.
2005-2012 جىلعا دەيىن جەكە شىعارماشىلىقپەن شۇعىلداندى.
2013-2018 جىلدارى قازاقستان تەلەارناسىنىڭ "ايتۋعا وڭاي" توكشوۋىنىڭ باس كەڭەسشىلىك مىندەتىن اتقارا ءجۇرىپ، سەنارييىن جازدى.
2019-2020 جىلدارى الماتى قالالىق ليسەيىندە قازاق ادەبيەتىنەن ساباق بەردى.
بولات بوپاي ۇلى 11 جاسىندا قولىنا قالام الىپ شىعارمالار جازا باستادى.
شىعارماشىلىعى:
«ءسوز سارالاۋ ونەرى» اتتى عىلىمي-زەرتتەۋ كىتابى (1995)
«اقىت اقيقاتى» اتتى مونوگرافيالىق ەڭبەگى (2000)
«قازاق كادەلەرى» (2000)
«اسىل قازىنا» (2002)
«قازاق كادەلەرى» (2003)
«قازاقتىڭ العىستارى مەن قارعىستارى» (2003)
بولات بوپايۇى قازاقستان جازۋشىلار وداعىنىڭ، قازاقستان جۋرناليستەر وداعىنىڭ مۇشەسى، قازاق ۇلتتىق ءسالت-داستۇر، ادەت-عۇرىپ اكەدەمياسىنىڭ اكەدەميگى.
مارقۇمنىڭ وتباسى مەن تۋعان-تۋىستارىنا، بارشا قازاق رۋحانياتىنا كوڭىل ايتامىز.
مارقۇمنىڭ جانى ءجانناتتا، توپىراعى تورقا بولسىن!