ەلىمىزدىڭ بارلىق مامانداندىرىلعان حقكو-سىندا تولەمدەردىڭ دۇرىس جۇرگىزىلگەنىن تەكسەرۋ ماقساتىندا جۇك كولىكتەرىن، اۆتوبۋستاردى جانە باسقا دا كولىكتەردى ەسەپكە قويۋدىڭ زاڭدىلىعىن تەكسەرۋ جۇرگىزىلۋدە.
قما باستاماسىمەن الدىن الۋ جۇمىستارى اياسىندا اگەنتتىك، سيفرلىق دامۋ مينيسترلىگى جانە "ازاماتتارعا ارنالعان ۇكىمەت" كەاق وكىلدەرىنىڭ جۇمىس كەزدەسۋى ءوتتى. تاراپتار جۇك كولىكتەرى مەن اۆتوبۋستاردى ەسەپكە زاڭسىز قويۋ جاعدايلارىنىڭ جيىلەپ كەتۋ فاكتىلەرىنىڭ الدىن الۋ شارالارىن تالقىلادى. كەزدەسۋ بارىسىندا بۇگىنگى تاڭدا الاياقتار قولدانعان 4 نەگىزگى سحەما انىقتالعانى اتاپ ءوتىلدى، دەپ حابارلايدى Almaty-akshamy.kz.
قما ءتوراعاسىنىڭ ورىنباسارى قايرات بيجانوۆ مۇنداي كەزدەسۋلەر الداعى ۋاقىتتا مۇنداي زاڭ بۇزۋشىلىقتارعا قارسى تۇرۋدىڭ بىرلەسكەن تەتىكتەرىن ازىرلەۋ ماقساتىندا وتكىزىلىپ جاتقانىن اتاپ ءوتتى.
«قىلمىستىق جاۋاپكەرشىلىك شارالارى عانا ماسەلەنى شەشە المايدى. بولاشاقتا مۇنداي وقيعالاردىڭ الدىن الۋ ءۇشىن بارلىق مۇددەلى تاراپتى تىڭداۋ قاجەت. ءبىزدىڭ باستى مىندەتىمىز – الدىن الۋ شارالارىن جۇرگىزىلۋدە»، - دەدى بيجانوۆ.
سيفرلاندىرۋ ۆيسە-مينيسترى اسقار جانباكين ءوز كەزەگىندە اقپاراتتىق جۇيەلەردىڭ تولىق ينتەگراسياسى جۇرگىزىلگەنىن حابارلادى. بۇل VIN ەنگىزۋ كەزىندە اۆتو تۋرالى بارلىق دەرەكتى اۆتوماتتى تۇردە اقپاراتتىق جۇيەدەن تارتۋعا جانە تولەنۋگە جاتاتىن الىمدار مەن تولەمدەردى ەسەپتەۋگە مۇمكىندىك بەرەدى. جۇيەنى جاڭارتۋ حقكو قىزمەتكەرلەرىنىڭ اۆتوكولىك تۋرالى دەرەكتەردى "قولمەن" ەنگىزۋگە جول بەرمەيدى.
ايتا كەتەيىك، 2023 جىلدىڭ تامىز ايىنان باستاپ قما 23 قىلمىستىق ءىس تىركەدى. اتالعان ىستەر بويىنشا 3 مىڭعا جۋىق اۆتوكولىك وتۋدە. مەملەكەتكە كەلتىرىلگەن زالال 14 ملرد تەڭگەدەن استى. تاراپتار وسىنداي قۇقىق بۇزۋشىلىقتارعا قارسى ءىس-قيمىلدىڭ وزەكتى تەتىكتەرىن ازىرلەۋ ءۇشىن وسى باعىتتا ودان ءارى بىرلەسىپ جۇمىس ىستەۋ تۋرالى ۋاعدالاستى.