«بوينگتەن» ب ا ق كەتتى

امەريكالىقتار «بوينگپەن» ۇشۋدان جاپپاي باس تارتۋدا.

ولار ارنايى رەسۋرستاردى پايدالانۋ ارقىلى مىنەتىن اۋە كەمەسىنىڭ تۇرىنە قاراي رەيستەردى جانە تەك Airbus بار ۇشاقتاردى تاڭداپ جاتىر، دەپ حابارلايدى اlmaty-akshamy.kz. 

ويتكەنى، Boeing ۇشاقتارىندا ءتۇرلى اپاتتى وقيعالار ءجيى ورىن الىپ جاتقان كورىنەدى.  

ماسەلەن، ءبىر اپتا ىشىندە تەحاس اسپانىندا Boeing 737-900 قوزعالتقىشى ورتەنىپ، وقىس وقيعا ورىن العان. سول سەكىلدى 777-200ء-دىڭ دوڭگەلەگى سان-فرانسيسكو اۋەجايىندا قۇلاپ، بىرنەشە كولىككە زاقىم كەلتىردى. تاعى ءبىر 737 Max 8 ۇشاعى باسقارۋدى جوعالتىپ، حيۋستون اۋەجايىندا ۇشۋ-قونۋ جولاعىنان شىعىپ، ازەر توقتاتقان.

ال، سيدنەيدەن وكلەندكە باعىت العان 787 Dreamliner ۇشاعى كەنەتتەن كۇرت دىرىلدەپ، 50 جولاۋشى زارداپ شەككەن. ازىرشە قازا تاپقاندار تىركەلمەگەن. ايتۋ كەرەك، بۇل ازىرشە.  Boeing وسى قارقىندى ۇستايتىن بولسا...

Boeing وندىرىستىك ينسپەكتورلارى جۇمىسشىلار كوبىنەسە تەحنيكالىق اقاۋلاردى تۇزەتپەي، ولاردى باسقا بريگاداعا قالدىراتىنىن انىقتادى. ۇشاقتار كونۆەيەردەن بوس بولتتارمەن شىعۋى تاڭقالارلىق جاعداي ەمەس - سودان كەيىن ەسىكتەر نەمەسە دوڭگەلەگى  ۇشىپ كەتەتىنى.

Boeing قىزمەتكەرلەرىنىڭ وزدەرى ءوز ۇشاقتارىندا ۇشقىسى كەلمەيتىندەرىن مويىنداعان. ۇشاقتى جيناقتاۋ ساپاسى تومەن، جۇمىسشىلاردىڭ كوبى زاڭسىز يمميگرانتتار نەمەسە وتە ناشار جۇمىس ىستەيتىن ناشاقورلار. وسىنداي تولعان تۇيتكىلدى ماسەلەلەر تۋرالى حابارلاعانداردىڭ ءبىرى «كەنەتتەن» وز-وزىنە قول جۇمساعان. ءبىراق Boeing باسشىلىعى ءتۇرلى ارەكەتتەر ارقىلى بارلىق كەمشىلىكتەردىڭ ارتىن جاۋىپ، جىمىسقى ارەكەتتەرگە بارۋدان تايىنار ەمەس. دەسەك تە، كورپاروسيا ءوز بەدەلىنىڭ ءتۇسىپ ءتىپتى، ءوز وتانى اقش-تا تۇسكەنىنە  قاراماي العا ۇمتىلۋدا.