ەلدى مەكەندەردى سۋمەن جابدىقتاۋ جانە سۋ بۇرۋ ماسەلەلەرى بويىنشا وتكەن ۇكىمەت وتىرىسىندا ونەركاسىپ جانە قۇرىلىس ۆيسە-مينيسترى قۋاندىق قاجكەنوۆ مەملەكەت باسشىسىنىڭ حالىقتى 2025 جىلدىڭ سوڭىنا دەيىن اۋىز سۋمەن قامتاماسىز ەتۋ جونىندەگى تاپسىرماسىنىڭ تولىق ورىندالعانى تۋرالى باياندادى، دەپ حابارلايدى aqshamnews.kz
ونىڭ ايتۋىنشا تاپسىرمانى ورىنداۋ كەزەڭىندە رەسپۋبليكالىق بيۋدجەتتەن شامامەن 835 ملرد تەڭگە ءبولىنىپ، 1،6-دەن استام جوبا جۇزەگە اسىرىلدى، ونىڭ ىشىندە قايتارىلعان اكتيۆتەر ەسەبىنەن ارناۋلى مەملەكەتتىك قوردان – 132 ملرد تەڭگە.
ناتيجەسىندە وسى قاراجاتقا 34 قالا مەن 756 اۋىل ورتالىقتاندىرىلعان سۋ جۇيەسىمەن قامتىلدى. وعان قوسىمشا، جەرگىلىكتى بيۋدجەت ەسەبىنەن 699 اۋىلدا كەشەندى بلوك-مودۋلدەر ورناتىلدى. سالىستىرمالى تۇردە ايتساق، 2021 جىلى اۋىل حالقىنىڭ 90%-ى جانە قالا حالقىنىڭ 97،5%-ى سۋمەن جابدىقتاۋ قىزمەتتەرىنە قول جەتكىزدى.
وسىلايشا، مەملەكەت باسشىسىنىڭ تاپسىرماسى تولىق ورىندالىپ، ەلىمىزدەگى 90 قالا مەن 7،5 ملن تۇرعىنى بار 6087 اۋىل اۋىز سۋمەن تولىق قامتاماسىز ەتىلىپ وتىر، — دەدى ۆيسە-مينيستر.
سۋمەن جابدىقتاۋ ساپاسىنا ءوز الدىنا بولەك نازار اۋدارىلىپ وتىر. بارلىعى 9،5 مىڭ شاقىرىم ماگيسترالدىق جەلى رەكونسترۋكسيالانىپ، ۇلكەيتىلدى، ونىڭ ىشىندە قالالاردا – 1،8 شاقىرىم، اۋىلداردا – 7،7 مىڭ شاقىرىم. بۇل جەلىلەردىڭ توزۋى دەڭگەيى 38%-عا دەيىن تومەندەۋگە مۇمكىندىك بەردى.
سونىمەن قاتار سۋمەن جابدىقتاۋدى جانە كوممۋنالدىق ينفراقۇرىلىمدى دامىتۋ جۇمىستارى جالعاسۋدا.
2026 جىلعا جالپى ترانسفەرتتەر اياسىندا 128 ملرد تەڭگە ءبولىندى، ونىڭ ىشىندە سۋمەن جابدىقتاۋعا – 78 ملرد تەڭگە، سۋ بۇرۋعا 50 ملرد تەڭگە باعىتتالعان.
قوسىمشا جاڭعىرتۋ جۇمىستارى ەنەرگەتيكا مەن كوممۋنالدىق سەكتوردى جاڭعىرتۋعا ارنالعان ۇلتتىق جوبا اياسىندا نەسيەلىك قاراجاتتار ەسەبىنەن جۇرگىزىلەتىن بولادى.