جوبا «كەزەكپەن وتىرعىزۋ» دەپ اتالادى.
10 قىركۇيەكتەن باستاپ قازاقستان اۋەجايلارىندا پيلوتتىق رەجيمدە «كەزەكپەن وتىرعىزۋ» جوباسى باستالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ازاماتتىق اۆياسيا كوميتەتىنىڭ مالىمەتىنە سەنسەك، جوبانىڭ نەگىزگى يدەياسى – جولاۋشىلاردى كەزەك تەحنولوگياسى بويىنشا، ياعني توپتاپ وتىرعىزۋ، بۇل اۋەجايلارداعى ازاماتتارعا قىزمەت كورسەتۋ ساپاسى مەن جىلدامدىعىن ايتارلىقتاي ارتتىرادى.
ونىڭ اياسىندا جولاۋشىلاردى وتىرعىزۋ ءتارتىبى اۋە كەمەسىنىڭ بورتىندا الاتىن ورنىنا بايلانىستى جۇزەگە اسادى.
بۇل رەتتە ەرىپ جۇرەتىن ادامدارى جوق بالالار مەن ءجۇرىپ-تۇرۋى شەكتەۋلى جولاۋشىلار قولدانىستاعى زاڭناماعا سايكەس باسىم تارتىپپەن نەگىزگى كەزەكتەن تىس وتەتىن بولادى.
قازىرگى ۋاقىتتا جولاۋشىلاردى وتىرعىزۋ پروسەسى ەرىپ جۇرەتىن ادامدارى جوق بالالار مەن ءجۇرىپ-تۇرۋى شەكتەۋلى جولاۋشىلاردى باسىم وتىرعىزۋدى قوسپاعاندا، ارنايى تەحنولوگياسىز جۇرەدى.
سالدارىنان اۋە كەمەسىنىڭ بورتىنا وتىرعىزۋ جاريالانعاننان كەيىن تەلەسكوپيالىق تراپتىڭ قاقپاسىنىڭ جانىندا جولاۋشىلاردىڭ توپتاسىپ، كەپتەلىپ تۇرىپ قالادى.
كەزەكپەن وتىرعىزۋ تەحنولوگياسىن ەنگىزۋ جوعارىدا اتالعان جاعدايلاردىڭ وڭ شەشىمى بولادى دەگەن بولجام بار.
«پيلوتتىق جوباعا Air Astana، Fly Arystan جانە SCAT اۆياكومپانيالارى قاتىسادى. كەزەكپەن وتىرعىزۋ تەلەسكوپيالىق تراپتارى بار اۋەجايلاردا عانا جۇرگىزىلەدى: نۇر-سۇلتان، اقتاۋ، اقتوبە، تۇركىستان جانە قاراعاندى قالالارىندا. جوبا ءۇش ايعا ەسەپتەلگەن، سودان كەيىن كەزەكپەن وتىرعىزۋدى ودان ءارى قولدانۋ نەمەسە قولدانباۋ جونىندە شەشىم قابىلدانادى»، - دەلىنگەن حابارلامادا.