اقش-تا "وميكروننىڭ" جاڭا شتامدارىنا قارسى ۆاكسينالاۋ باستالادى

جاڭارتىلعان ۆاكسينالارى جاقسى قورعانىس ءۇشىن جاسالعان.

وتكەن اپتانىڭ سوڭىندا امەريكاندىق رەتتەۋشىلەر «وميكروننىڭ» BA.4 جانە BA.5 جاڭا شتامدارىنا قارسى Pfizer/BioNTech جانە Moderna ۇدەتكىش ءبىر كومپونەنتتى ۆاكسينالارىن جاپپاي قولدانۋدى ماقۇلدادى، دەپ حابارلايدى Almaty-akshamy.kz  COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.

الدىمەن فەدەرالدىق دارى-دارمەكتەر مەن ونىمدەر نارىعىن باقىلاۋ باسقارماسى (FDA)، سودان كەيىن اۋرۋلاردى باقىلاۋ جانە الدىن-الۋ ورتالىقتارى (CDC) رۇقسات بەردى.

Pfizer / Biontech ۆاكسيناسىن 12 جاستان، Moderna ۆاكسيناسىن 18 جاستان باستاپ قولدانۋعا بولادى.

FDA جانە CDC ماقۇلداۋى "وميكروننىڭ" جاڭا شتامدارىنان حالىقتى جاپپاي ۆاكسيناسيالاۋ بۇگىننەن باستالۋى مۇمكىن دەگەندى بىلدىرەدى. 

«COVID-19 جاڭارتىلعان ۆاكسينالارى قازىرگى ۋاقىتتا كوروناۆيرۋستىڭ اينالىمداعى نۇسقالارىنان جاقسى قورعانىس ءۇشىن جاسالعان. بۇل ۇدەتكىش ۆاكسينالار سوڭعى ۆاكسينالاۋدان كەيىن السىرەۋى مۇمكىن قورعانىستى نىعايتۋعا كومەكتەسەدى. ەگەر سىزدە قارسى كورسەتىلىمدەر بولماسا جانە جاسىنا ساي بولساڭىز، ۆاكسينا الۋعا ەشقانداي كەدەرگى بولماسا، ءسىزدى تولىقتاي  ۆاكسينالاۋعا شاقىرامىن»، - دەدى CDC ديرەكتورى.