الماتىدا تۇنگى كلۋبتىڭ بارمەنى ەسىرتكى ساتقان.
مەفەدرون جەتكىزۋ ارناسى بويىنشا جۇمىس جاساۋ ناتيجەسىندە الماتىداعى ويىن-ساۋىق مەكەمەلەرىنىڭ ءبىرىنىڭ بارمەنى ەسىرتكى قىلمىسىنا قارسى كۇرەس باسقارماسى قىزمەتكەرلەرىنىڭ باقىلاۋىنا الىندى. ءارى ازىرلەمە بارىسىندا ونىڭ جۇمىس ورنى – تۇنگى كلۋبتىڭ بارىندا مەفەدرون ساتۋدى ۇيىمداستىرعانى انىقتالدى.
ءۇش كۇندىك باقىلاۋدان كەيىن جەتكىلىكتى دالەلدەمەلەردى العان پوليسەيلەر قىزدى ەسىرتكى زاتىن ساتۋ كەزىندە، قىلمىس ۇستىندە ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ۇستالعان بويجەتكەننىڭ ءۇش جىل جۇمىس ىستەگەن ورنى – باردى ءتىنتۋ جانە جەكە باسىن قاراۋ كەزىندە ودان ساتۋعا دايىندالعان مەفەدرون قاپتامالارى بار ەكى تەمەكى قورابى تاركىلەندى .تەرگەۋ امالدارى ۇستالعان ازاماتشانىڭ تۇرعىن ۇيىندە جالعاسىن تاۋىپ، سول جەردە جاڭا ءمان-جايلار انىقتالدى. ۇستالعان بويجەتكەننىڭ كورشىسى وعان تۇنگى كلۋبتان ورتاق دوستارى تەلەفون سوعىپ، قۇربىسىنىڭ ۇستالعانىن ايتقانىن ايتتى. بۇل حاباردى العان كورشىسى ۇستالعان بويجەتكەن ۇيىندە ساقتاپ قويعان ەسىرتكى زاتتارىن جاسىرۋدى ۇيعارعان. ءبىراق كىرەبەرىستە پوليسيا قىزمەتكەرلەرىن كورىپ، ول مەفەدروندى جاسىرعان جەردى جانە ونى وراۋ ءۇشىن قاجەتتى قۇرىلعىلاردى كورسەتكەن.
كورشى ءۇيدىڭ جانىنان ەسىرتكى سالىنعان سومكە تابىلدى. ودان ساتۋعا دايىندالعان 20 دوزا مەفەدروننان بولەك، ەلەكتروندى تارازى مەن قورعاۋعا ارنالعان ماتەريال تابىلدى. ۇستالعان قىز بەن ونىڭ قۇربىسى جالعا العان پاتەردە ءتىنتۋ بارىسىندا ەسىرتكى زاتى سالىنعان تاعى 3 پاكەت تاركىلەندى. بارلىعى 23 گراممعا جۋىق مەفەدرون تاركىلەندى. بۇل – ۇستالعان بويجەتكەننىڭ جاقىن كۇندەرى ساتۋدى جوسپارلاعان 77 ءبىر رەتتىك دوزا. ەسىرتكى زاتتاردى اسا ءىرى كولەمدە ساتۋ فاكتىسى بويىنشا سوتقا دەيىنگى ءىس قوزعالدى. وسىلايشا تەرگەۋ قورىتىندىسى بويىنشا 21 جاستاعى الماتىلىق بويجەتكەننىڭ جازاسى مۇلكىن تاركىلەۋمەن ون جىلدان ون بەس جىلعا دەيىن باس بوستاندىعىنان ايىرۋدى قامتيدى.