ەلىمىزدىڭ اسكەري تەڭىزشىلەرى ارميا حالىقارالىق ويىندارىنا دايىندالۋدا
قازاقستان اسكەري-تەڭىز كۇشتەرىنىڭ اسكەري قىزمەتشىلەرى ارميا حالىقارالىق ويىندارى اياسىندا وتەتىن «تەڭىز كۋبوگى-2021» كونكۋرسىنا قاتىسادى، دەپ حابارلادى Almaty-akshamy.kz ق ر قورعانىس مينيسترلىگىنىڭ سايتىندا جاريالانعان حابارعا سىلتەمە جاساپ.
جارىستا تەڭىز بەتىندە مىقتى ەپتىلىك كورسەتكەن كەمە ەكيپاجى انىقتالادى.
بۇل كونكۋرسقا قاتىسۋ ءۇشىن نەگىزگى جانە رەزەرۆتەگى كەمەلەر بەلگىلەندى. «سارىارقا» زىمىران-ارتيللەريالىق كەمەسى – نەگىزگى، ال «ماڭعىستاۋ» – رەزەرۆتەگى كەمە رەتىندە بەلگىلەندى.
دايارلىق كەزىندە اسكەري قىزمەتشىلەر اۋە جانە سۋ ءۇستى شارتتى نىسانالارىن ءىس جۇزىندە اتۋدى ورىندايدى. جۇزۋشىلەر قۇتقارۋ قۇرالدارىن قولدانۋ كەزەڭىنە دايىندالۋدا. كەمەنىڭ مىقتىلىعىن كورسەتۋ جولىنداعى كۇرەسكە ەرەكشە نازار اۋدارىلادى.
اتالمىش «تەڭىز كۋبوگى» بايقاۋى 2015 جىلدان باستاپ وتكىزىلەدى. ەلىمىزدىڭ اسكەري تەڭىزشىلەرى 2015، 2016 جانە 2018 جىلدارى كونكۋرستىڭ كۇمىس جۇلدەگەرلەرى اتانىپ، ال 2017 جانە 2019 جىلدارى ءۇشىنشى ورىن يەلەنگەن بولاتىن.
بيىل حالىقارالىق كونكۋرس يراندا وتەدى.
