ق ر مادەنيەت جانە سپورت ءمينيسترى نادەجدا دۋبوۆيسكايانى قابىلدادى
بۇگىن قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا جەڭىل اتلەت نادەجدا دۋبوۆيسكايانى قابىلداپ، الماتىدا وتكەن ەل چەمپيوناتىندا ازيا رەكوردىن جاڭارتۋىمەن قۇتتىقتادى، دەپ حابارلادى Almaty-akshamy.kz ق ر مادەنيەت جانە سپورت مينيسترلىگىنىڭ سايتىنداعى حابارعا سىلتەمە جاساپ.
سپورتشى 6-9 ماۋسىم ارالىعىندا الماتىداعى ورتالىق ستاديوندا وتكەن جەڭىل اتلەتيكادان 241 سپورتشى ب ا ق سىناعان قازاقستان چەمپيوناتىندا 2 مەتر بيىكتىككە سەكىرگەن ەدى. بۇعان دەيىنگى سارى قۇرلىقتىڭ ۇزدىك ناتيجەسىن (1،99 م) تاعى ءبىر وتانداسىمىز مارينا ايتوۆا 2009 جىلى تىركەگەن ەدى.
ايتا كەتەيىك، نادەجدانىڭ وسىعان دەيىنگى ۇزدىك ناتيجەسى بىلتىر ستامبۋلدا وتكەن IstanbulI ndoor Athletics Cup حالىقارالىق تۋرنيرىندە تىركەلگەن. قازاقستان قۇراماسىنىڭ سپورتشىسى 1،9 مەترمەن توپ جارعان ەدى. بۇدان بولەك، ول 2019 جىلى دوحادا وتكەن ازيا چەمپيوناتىنىڭ كۇمىس، 2018 جىلى تەگەراندا جابىق عيماراتتا وتكەن ازيا چەمپيوناتىنىڭ قولا، 2018 جىلى دجاكارتادا وتكەن ازيا ويىندارىنىڭ قولا جۇلدەگەرى. 23 جاستاعى اتلەتتىڭ باس باپكەرى – يۆان جانە ەلەنا حيجنياكوۆتار.
