الماتىنىڭ «اباي» الاڭىندا ۇيىمداستىرىلىپ وتىرعان «Tartyl Fest» رەسپۋبليكالىق تۋرنيكتە تارتىلۋ فەستيۆالىنە قالامىزدىڭ تۇرعىندارىنان بولەك، ەلىمىزدىڭ ءار ايماعىنان كەلگەن قاتىسۋشىلار دا باقتارىن سىنادى. ونىڭ ءبىرى 19 جاسار ۋاليحان مۇقانوۆ ەسىمدى ازامات. ول تاريحى تەرەڭ تاراز قالاسىنان الماتىعا ارنايى كەلگەن.
«نۇرلان قويانبايەۆ اعامىزدىڭ الەۋمەتتىك جەلىسىنەن وسى جارىس جايلى ەستىدىم. قاتىسۋعا قاتتى قىزعۋشىلىق تانىتتىم. وسىلايشا اسەم قالا اماتىدان ءبىر-اق شىقتىم. جاس بولعاندىقتان سپورتتىق شارالارعا قاتىسقاندى جاقسى كورەمىن. بۇگىن ناتيجەلى ونەر كورسەتەم دەگەن سەنىمدەمىن. وسى ءىس-شارانىڭ ارقاسىندا جاقسى جىگىتتەرمەن دە تانىس بولدىم. سالماعىم 50 كەلى بولعاندىقتان قاتارلاستارىم كوپ بولسا دا، جەڭىسكە جەتەمىن دەگەن ءۇمىتىم بار»،–دەيدى سايىسقا قاتىسۋشى ۋاليحان مۇقانوۆ.
