رەسپۋبليكانىڭ سەگىز وڭىرىندە اۋا رايىنا بايلانىستى ەسكەرتۋ جاريالاندى
«قازگيدرومەت» رمك مالىمەتى بويىنشا، 10 ناۋرىزدا اقمولا وبلىسىنىڭ وڭتۇستىگىنە، باتىسىنا تۇمان تۇسەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سولتۇستىك-شىعىستان، كۇندىز وڭتۇستىك-شىعىستان جەل سوعىپ، ەكپىنى 15-20 م/س-كە جەتەدى.
اقتوبە وبلىسىندا وڭتۇستىك-شىعىستان جەل سوعىپ، ەكپىنى 15-20 م/س-كە جەتۋى ىقتيمال.
اتىراۋ وبلىسىنىڭ سولتۇستىگىندە تۇمان، كوكتايعاق بولادى. شىعىستان، وڭتۇستىك-شىعىستان، شىعىستان جەل سوعىپ، ەكپىنى 15-20 م/س-كە جەتەدى.
10، 11، 12 ناۋرىز كۇندەرى تۇندە جامبىل وبلىسىنىڭ تاۋلى اۋداندارىندا نوسەر جاۋىن جاۋادى. وبلىستىڭ سولتۇستىگىندە، تاۋلى اۋدانداردا تۇمان تۇسەدى. وڭتۇستىك-باتىستان سوققان جەلدىڭ جىلدامدىعى سولتۇستىك-شىعىسقا اۋىسىپ، وبلىستىڭ وڭتۇستىك-باتىسىندا، سولتۇستىك-شىعىسىندا، تاۋلى اۋدانداردا جەلدىڭ جىلدامدىعى 15-20 م/س-كە، ەكپىنى 23 م/س-كە جەتۋى ىقتيمال.
باتىس قازاقستان وبلىسىنىڭ سولتۇستىگىندە، وڭتۇستىك-باتىسىندا تۇمان ءتۇسىپ، كوكتايعاق بولادى. شىعىستان، سولتۇستىك-شىعىستان، كۇندىز سولتۇستىك-شىعىستان، وڭتۇستىك-شىعىستان جەل سوعىپ، ەكپىنى 15-20 م/س-كە جەتەدى.
قىزىلوردا وبلىسىندا تۇمان تۇسەدى. وڭتۇستىك-شىعىستان، شىعىستان جەل سوعىپ، كۇندىز وبلىستىڭ سولتۇستىگى مەن ورتالىعىندا جىلدامدىعى 15-20 م/س-كە جەتەدى.
10 ناۋرىز كۇنى تۇندە جانە تاڭەرتەڭ ماڭعىستاۋ وبلىسىنىڭ باتىسىندا تۇمان تۇسەدى. شىعىستان سوققان جەلدىڭ باعىتى سولتۇستىك-باتىسقا اۋىسىپ، وبلىستىڭ وڭتۇستىگى مەن سولتۇستىگىندە ەكپىنى 15-20 م/س بولۋى مۇمكىن.
10-12 ناۋرىزدا تۇركىستان مەن جامبىل وبلىسىندا اۋا رايىنىڭ جىلىنۋى مەن تولاسسىز جاۋعان جاڭبىرعا بايلانىستى وزەندەردە سۋ دەڭگەيى كوتەرىلۋى مۇمكىن.