قازاقستاننىڭ 8 وبلىسىنداعى تاسجولدا قارلى اۋا رايى بولۋى مۇمكىن، دەپ حابارلايدى AqshamNews.kz ءتىلشىسى.
«قازاۆتوجول» مالىمەتىنشە، 2 اقپان كۇنى اباي، اقمولا، باتىس قازاقستان، پاۆلودار، قاراعاندى، قوستاناي، شىعىس قازاقستان مەن ۇلىتاۋ وبلىستارىنىڭ كەي جەرلەرىندە قار جاۋادى دەپ بولجانىپ وتىر.
وسىعان بايلانىستى جۇرگىزۋشىلەر جولعا شىعار الدى ساپارىن الدىن الا جوسپارلاپ، ساقتىقتى كۇشەيتۋى قاجەت:
- كورىنۋ قاشىقتىعى مەن جول جامىلعىسىنىڭ جاعدايىنا ساي ءقاۋىپسىز جىلدامدىقتى تاڭداڭىز؛
- اراقاشىقتىقتى ساقتاپ، كۇرت مانيەۆر جاساۋدان اۋلاق بولىڭىز؛
- جول قوزعالىسى ەرەجەلەرىن قاتاڭ ۇستانىپ، ءوزىڭىزدىڭ جانە وزگەلەردىڭ قاۋىپسىزدىگىن ءبىرىنشى ورىنعا قويىڭىز.
«جولداعى احۋال جانە مۇمكىن بولاتىن شەكتەۋلەر تۋرالى ناقتى اقپاراتتى تاۋلىك بويى 1403 بايلانىس ورتالىعىنا حابارلاسىپ بىلە الاسىز»، – دەلىنگەن حابارلامادا.