قازاقستاننىڭ ەڭبەك سىڭىرگەن قايراتكەرى، "قۇرمەت" وردەنىنىڭ يەگەرى، اكتەر ءارى رەجيسسەر بالتاباي سەيىتمامىت ۇلى دۇنيەدەن ءوتتى، دەپ حابارلايدى aqshamnews.kz
وسىعان بايلانىستى ق ر مادەنيەت جانە اقپارات مينيسترلىگى مارقۇمنىڭ وتباسى مەن جاقىن تۋىستارىنا، تۋعان حالقىنا كوڭىل ايتىپ، قايعىرا ازا تۇتاتىنىن مالىمدەدى.
"بالتاباي سەيىتمامىت ۇلى سانالى عۇمىرىن قازاق ساحنا ونەرىنە ارناعان بىرەگەي تۇلعا بولدى. ول عابيت مۇسىرەپوۆ اتىنداعى قازاق مەملەكەتتىك بالالار مەن جاسوسپىرىمدەر اكادەميالىق تەاترى مەن مۇحتار اۋەزوۆ اتىنداعى قازاق ۇلتتىق دراما تەاترىنىڭ التىن قورىنا ەنگەن كوركەم بەينەلەر گالەرەياسىن قالىپتاستىردى. كلاسسيكالىق جانە زاماناۋي دراماتۋرگيانى تەرەڭ فيلوسوفيالىق ويمەن، بيىك اكتەرلىك مادەنيەتپەن سومداي ءبىلدى. ۇلتتىق مادەنيەتتىڭ دامۋىنا سۇبەلى ۇلەس قوسقان ونەر يەسىنىڭ جارقىن بەينەسى، باي شىعارماشىلىق مۇراسى مەن عيبراتتى عۇمىر جولى حالقىمىزدىڭ جادىندا ماڭگى ساقتالادى دەپ سەنەمىز. مارقۇمنىڭ جانى ءجانناتتا، يمانى سالامات، توپىراعى تورقا بولسىن"، – دەلىنگەن مينيسترلىك تاراتقان حابارلامادا.