الماتى قالاسىنىڭ تجد 112 پۋلتىنە تاۋدا اياعىن جاراقاتتاپ العان قىزعا كومەك قاجەت ەكەنى تۋرالى حابارلاما ءتۇستى، دەپ حابارلايدى Aqshamnews.kz ءتىلشىسى.
تجم باسپا ءسوز قىزمەتىنىڭ مالىمەتىنشە، 18 جاستاعى قىز ءتورت ادامنان قۇرالعان توپپەن بىرگە مەدەۋ اۋدانى اۋماعىنداعى كوك-جايلاۋ تاۋلى وڭىرىندە جۇرگەن.
ۆەدومستۆونىڭ حابارلاۋىنشا، قۇتقارۋشىلاردىڭ جاياۋ كوتەرىلۋى ءبىر ساعاتتان استام ۋاقىتقا سوزىلىپ، كۇردەلى اۋا رايىندا، قاراڭعى ۋاقىتتا جانە تىك جارتاستى ەڭىستەرمەن وتكەن. زارداپ شەگۋشىنى تاسىمالداۋ كەزىندە سمك ماماندارى شۇعىل مەديسينالىق كومەك كورسەتكەن. كەيىن تۋريست قىز اۋرۋحاناعا جەتكىزىلىپ، ەمدەۋگە جاتقىزىلدى.
ايتا كەتەيىك، الماتى قۇتقارۋشىلارى تاۋدا جاراقات العان تۋريستەرگە بۇعان دەيىن دە بىرنەشە رەت كومەككە كەلگەن. سونىڭ ءبىرى – 2025 جىلعى قىركۇيەكتە ىلە الاتاۋى تاۋلارىندا ايەل ادام جاراقات الىپ، قۇتقارۋشىلار ونى تۇندە تاۋىپ، جەدەل جاردەم بريگاداسىنا جەتكىزگەن.