قازاقستاننىڭ ىشكى ىستەر مينيسترلىگى ينتەرنەتتە تاراعان جۇرگىزۋشىلەردى جەدەلدەتىلگەن ونلاين-كۋرستار ارقىلى وقىتۋ تۋرالى ۇسىنىستارعا پىكىر ءبىلدىردى، دەپ حابارلايدى Aqshamnews.kz ءتىلشىسى Polisia.kz سايتىنا سىلتەمە جاساپ.
ۆەدومستۆو مالىمەتىنشە، جۇرگىزۋشىلەردى دايارلاۋ تەك ليسەنزياسى بار اۆتو-مەكتەپتەردە جۇرگىزىلۋگە ءتيىس جانە وقۋ باعدارلاماسى تولىق كولەمدە، ونىڭ ىشىندە مىندەتتى پراكتيكالىق ساباقتارمەن ءوتۋى قاجەت. مينيسترلىك ونلاين فورماتتا كولىك باسقارۋ داعدىلارىن مەڭگەرۋ جانە بەكىتۋ مۇمكىن ەمەس ەكەنىن اتاپ ءوتتى.
سونداي-اق ءىىم اۆتو-مەكتەپتى اياقتاعاننان كەيىن كۋالىكتى قاعاز تۇرىندە الۋ تالاپ ەتىلمەيتىنىن ءتۇسىندىردى: وقۋ كۋرسىنان وتكەنى تۋرالى دەرەكتەر ەلەكتروندى اقپاراتتىق جۇيەلەر ارقىلى مامانداندىرىلعان حقكو-لارعا اۆتوماتتى تۇردە جولدانادى.
مينيسترلىك بولاشاق جۇرگىزۋشىلەردى وقۋعا جاۋاپكەرشىلىكپەن قاراۋعا شاقىرىپ، ءبىلىم مەن پراكتيكالىق داعدىلاردىڭ ساپاسى جول قوزعالىسىنا قاتىسۋشىلاردىڭ قاۋىپسىزدىگىنە تىكەلەي اسەر ەتەتىنىن ەسكەرتتى.