بۇگىن قازاقستان رەسپۋبليكاسىنىڭ ۇكىمەتى مەن جۇڭگو حالىق رەسپۋبليكاسىنىڭ ۇكىمەتى اراسىنداعى ۆيزالىق تالاپتاردان ءوزارا بوساتۋ تۋرالى كەلىسىم كۇشىنە ەندى، دەپ حابارلايدى اlmaty-akshamy.kz.
ق ر سىرتقى ىستەر مينيسترلىگى قازاقستان مەن جۇڭگو اراسىنداعى ۆيزاسىز رەجيم تۋرالى كەلىسىمنىڭ كۇشىنە ەنۋى تۋرالى ءتۇسىندىرىپ ءوتتى:
وسى كەلىسىمنىڭ 1-بابىنا ساي ەكى ەلدىڭ ازاماتتارى جەكە ىستەردى، ءتۋريزمدى، ەم قابىلداۋدى، حالىقارالىق تاسىمالداردى، ترانزيتتىك، سونىمەن قاتار ىسكەرلىك ماقساتتاردى جۇزەگە اسىرۋ ءۇشىن ۆيزالىق تالاپتاردان بوساتىلادى. وسى رەتتە ازاماتتاردىڭ ەكى مەملەكەت اۋماعىندا بولۋ مەرزىمى كۇنتىزبەلىك 30 (وتىز) كۇننەن اسپايتىن مەرزىمدەگى كەزەڭگە، ال كۇنتىزبەلىك 180 (ءجۇز سەكسەن) كۇن ىشىندە جيىنتىعىندا كۇنتىزبەلىك 90 (توقسان) كۇننەن اسپاۋى قاجەت.
"ازاماتتار 30 كۇننەن ارتىق بولۋى قاجەت بولسا، ءتيىستى ساناتتاعى كىرۋ ۆيزاسىن الدىن الا راسىمدەۋ قاجەت. ۆيزاسىز رەجيم جۇمىسقا ورنالاسۋعا، وقۋعا جانە ميسسيونەرلىك قىزمەت جاساۋعا قۇقىق بەرمەيدى. جوعارىدا اتالعان كەلىسىم قحر گونكونگ جانە ماكاو ارنايى اكىمشىلىك اۋداندارىنىڭ اۋماعىنا بارۋعا قولدانىلمايتىنىن اتاپ وتەمىز. قازاقستان ازاماتتارى گونكونگقا ۆيزاسىز 14 (ون ءتورت) كۇننەن اسپايتىن مەرزىمگە بارا الادى، ال ماكاوعا بارۋ ءۇشىن ۆيزا راسىمدەۋ قاجەت"، - دەلىنگەن قازاقستاننىڭ سىرتقى ىستەر مينيسترلىگى حابارلاماسىندا.
ەسكەرەرلىك جايت، قازاقستاندىقتار 34 ەلگە ۆيزاسىز بارا الادى.