قۇتقارۋ جۇمىستارىنا قازىرگى ۋاقىتتا بەس اسكەري تەحنيكا جۇمىلدىرىلعان
قارۋلى كۇشتەردىڭ «شىعىس» وڭىرلىك قولباسشىلىعىنىڭ اسكەري قىزمەتشىلەرى جولداردى تازارتۋعا جانە اۋا رايىنىڭ قولايسىزدىعىنان جولدا تۇرىپ قالعان جۇرگىزۋشىلەر مەن جولاۋشىلارعا كومەك كورسەتۋگە تارتىلدى، دەپ حابارلايدى Almaty-akshamy.kz.
جەلدىڭ كۇرت كۇشەيۋى مەن قاتتى بوراننىڭ سالدارى شىعىس ايماقتاعى رەسپۋبليكالىق جانە جەرگىلىكتى ماڭىزى بار جولداردا قيىن جاعداي تۋعىزدى.
توتەنشە جاعدايلار مينيسترلىگىنىڭ اۋماقتىق قۇتقارۋ بولىمشەسىنە اياگوز گارنيزونىنداعى تانكيستەر قۇراماسى مەن ينجەنەرلىك-ساپەرلىك باتالوننىڭ اسكەري قىزمەتشىلەرى كومەككە كەلدى.
«الماتى - وسكەمەن» تاس جولىنىڭ 40 شاقىرىمىندا بروندى تانك قىزمەتىنىڭ باستىعى مايور ەرجان بىجكەيەۆتىڭ باسشىلىعىمەن اسكەري قىزمەتشىلەر قار قۇرساۋىندا قالعان 50 ادام مەن 10 شاقتى اۆتوكولىكتى ارنايى تەحنيكامەن ەۆاكۋاسيالادى. ولاردىڭ بارلىعى اياگوز قالاسىنا جەتكىزىلدى.
قۇتقارۋ جۇمىستارىنا قازىرگى ۋاقىتتا بەس اسكەري تەحنيكا جۇمىلدىرىلعان.