«قازگيدرومەت» رمق ەلىمىزدىڭ ءبىرقاتار وڭىرلەرىندە كۇن رايى بۇزىلاتىنىن بولجادى.
قىزىلوردا، پاۆلودار، قاراعاندى، ۇلىتاۋ وبلىستارىندا بوران جانە كوكتايعاق، ماڭعىستاۋ وبلىسىندا دا كوكتايعاق بولۋى مۇمكىن، دەپ حابارلايدى Almaty-akshamy.kz.
اباي، اقمولا جانە اقتوبە وبلىستارىندا بۇرقاسىن، باتىس قازاقستان جانە اتىراۋ وبلىستارىندا جاياۋ بۇرقاسىن بولۋى ىقتيمال.
10 قاڭتار كۇندىز قوستاناي وبلىسىنىڭ باتىسىندا، سولتۇستىگىندە قالىڭ قار جاۋادى.
جەتىسۋ، تۇركىستان وبلىستارىندا جەل تۇرادى دەپ بولجانعان.
شىعىس قازاقستان وبلىسىنىڭ باتىسى، شىعىسى مەن وڭتۇستىگىندە تۇندە قار جاۋىپ، كۇندىز وبلىستىڭ سولتۇستىگى مەن شىعىسىندا قاتتى جاۋىن-شاشىن، بۇرقاسىن بولۋى مۇمكىن.
سولتۇستىك قازاقستان وبلىسىنىڭ كوپ بولىگىندە، كۇندىز سولتۇستىگى مەن شىعىسىندا قالىڭ قار جاۋادى.