توتەنشە جاعدايلار مينيسترلىگىنىڭ وكىلى وسىلاي دەدى.
ءقازىر قۇتقارۋشىلار كۇشەيتىلگەن رەجيمدە جۇمىس ىستەپ جاتىر، دەپ حابارلايدى Almaty-akshamy.kz.
استانا ماڭىندا دا ءقاۋىپتى ايماقتار انىقتالدى. اقمولا وبلىسىنىڭ اكىمى مەن توتەنشە جاعدايلار ءمينيسترى اۋەدەن بارلاۋ جۇمىستارىن جۇرگىزدى. ءقازىر وڭىردەگى وزەن ارنالارى ءالى ءجىبي قويماعان. ال، دالادا قارعىن سۋ جينالا باستاعان. ياعني، سۋدىڭ جايىلىپ كەتۋ ءقاۋپى بار، - دەيدى ماماندار.
«جەلتوقسان ايىندا نورمادان كوپ قار جاۋدى. جىلداعىدان ەرەكشە اۋا رايى ونىڭ ءبىرازىن ەرىتتى. كەيىن كۇن كۇرت سۋىتىپ جەردىڭ بەتى قاتىپ قالدى. سونىڭ سالدارىنان ءقازىر ەرىگەن قار توپىراققا سىڭبەي جاتىر. وسىنىڭ بارلىعىن ەسكەرە كەلە، ءمينيستردىڭ تاپسىرماسىنا ساي كۇشەيتىلگەن رەجيمگە اۋىستىق. رەسپۋبليكا بويىنشا جاعداي باقىلاۋدا»، - دەيدى ق ر تجم دەپارتامەنت باستىعىنىڭ ورىنباسارى التاي مىرزابايەۆ.