وقيعا اقتاۋ قالاسىندا بولعان.
ەلىمىزدىڭ قورعانىس مينيسترلىگى ساربازدىڭ باسىنان ورىندىقپەن، سويىلمەن ۇرعان اقتاۋلىق كومانديردىڭ قىزمەتىنەن قۋىلعانىن مالىمدەدى، دەپ حابارلايدى Almaty-akshamy.kz.
2023 جىلعى تامىزدا اقتاۋ گارنيزونىنداعى اسكەري بولىمدەردىڭ بىرىندە ۆزۆود كومانديرىنىڭ مەرزىمدى قىزمەتتەگى اسكەري قىزمەتشىلەرگە بيلىگىن اسىرا پايدالانۋ دەرەگى تىركەلدى. بۇل دەرەك بويىنشا تەرگەۋ ءىس-شارالارى جۇرگىزىلىپ، اقتوبە گارنيزونى اسكەري سوتىنىڭ شەشىمىمەن تاراپتاردىڭ تاتۋلاسۋىنا بايلانىستى ءىس توقتاتىلدى.
«اسكەري قىزمەت جانە اسكەري قىزمەتشىلەردىڭ مارتەبەسى تۋرالى" زاڭىنىڭ 26-بابى 2-تارماعىنا سايكەس سوت ۇكىمى زاڭدى كۇشىنە ەنگەننەن كەيىن اسكەري قىزمەتشى تەرىس سەبەپتەرمەن قارۋلى كۇشتەردىڭ قاتارىنان بوساتىلادى»،– دەپ مالىمدەدى مينيسترلىك.
سونداي-اق مينيسترلىك قۇقىقبۇزۋشىلىقتاردىڭ الدىن الۋ، اسكەري ورتاداعى جارعىعا جات ارەكەتتەردى انىقتاپ، ولاردىڭ جولىن كەسۋ ماسەلەسى قارۋلى كۇشتەر باسشىلىعىنىڭ ەرەكشە باقىلاۋىندا ەكەنىن اتاپ ءوتتى. مۇنداي ارەكەتكە جول بەرگەندەرگە قۇقىقتىق جانە تارتىپتىك شارا قولدانىلادى.