يلون ماسكتىڭ SpaceX كومپانياسىنىڭ Starlink سپۋتنيك تەرمينالدارى بىرنەشە ەلدىڭ قارا نارىعىندا زاڭسىز ساتىلىپ جاتىر. بۇل تۋرالى Bloomberg سايتىندا جاريالانعان.
اقپارات كوزدەرىنىڭ مالىمەتىنشە، SpaceX كومپانياسىنىڭ سپۋتنيك بايلانىسىن پايدالانۋ ءۇشىن مەملەكەتتەردىڭ ۇكىمەتتەرىمەن كەلىسىم جاساسۋ قاجەت. الايدا ادامدار زاڭدى كەلىسىمنىڭ بولماعىنا قاراماستان، Starlinkء-تى پايدالانىپ جاتىر، دەپ حابارلايدى Almaty-akshamy.kz.
زاڭسىز تەرمينالدار قازاقستاندا، يەمەندە، سۋداندا، ۆەنەسۋەلادا، وڭتۇستىك افريكادا جانە رەسەي باسىپ العان ۋكراينا اۋماعىندا تارالىپ، قارا نارىقتا كوپ تابىسقا كەنەلدى.
Space X 2019 جىلى سپۋتنيكتىك بايلانىس ورناتا باستادى. بۇگىنگى كۇنگە دەيىن Starlink شامامەن 5500 سپۋتنيكتىك جەلى ارقىلى كەڭ جولاقتى ينتەرنەتكە قول جەتكىزۋدى قامتاماسىز ەتەدى.
ايتا كەتەيىك، 2023 جىلدىڭ قازان ايىندا 10 اۋىلدىق مەكتەپ SpaceX كومپانياسىنىڭ Starlink تەحنولوگياسى بويىنشا كەڭ جولاقتى ينتەرنەتكە تەست رەجىمىندە قوسىلدى. بۇل جەلىدە دەرەكتەردى بەرۋ جىلدامدىعى 200 مبيت/س جەتەدى.
قازاقستانداعى جەكە تۇلعالارعا Starlink پايدالانۋعا تىيىم سالىنادى.
2024 جىلعى اقپاندا قازاقستانعا Starlink كومپانياسىنان جابدىقتاردىڭ ءبىرىنشى پارتياسى كەلدى. سپۋتنيكتىك جۇيەنىڭ جوسپارلانعان 2000 جيىنتىعىنىڭ تەك 500ء-ى عانا جەتتى.
اقپان ايىندا ءماجىلىس دەپۋتاتتارى "ق ر كەيبىر زاڭنامالىق اكتىلەرىنە بايلانىس، سيفرلاندىرۋ جانە اقپاراتتاندىرۋ سالاسىنىڭ ينۆەستيسيالىق احۋالىن ارتتىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ" تۋرالى زاڭ جوباسىن قابىلدادى.
قۇجاتقا سايكەس قازاقستاندا گەوستاسيونارلىق ەمەس سپۋتنيكتەردى (StarLink، OneWeb) پايدالانا وتىرىپ، بايلانىس تەحنولوگيالارىن ەنگىزۋ ءۇشىن 2026 جىلعا دەيىن رەتتەۋدى ەرەكشە رەتتەۋ ەنگىزىلەدى. قابىلدانىپ جاتقان شارالار شالعاي اۋىلدارداعى الەۋمەتتىك نىسانداردى ينتەرنەتپەن قامتاماسىز ەتۋگە كومەكتەسۋى كەرەك.