ىزدەۋدە جۇرگەن 22 شەتەلدىك ۇستالدى.
ىشكى ىستەر مينيسترلىگى شەتەلدىكتەردىڭ كوشى-قون زاڭناماسىن بۇزۋ دەرەگىن انىقتاۋعا باعىتتالعان "ميگرانت" جەدەل الدىن الۋ شاراسىنىڭ قورىتىندىسىن شىعاردى، دەپ حابارلايدى Almaty-akshamy.kz
"كوشى-قون زاڭناماسىن بۇزعانداردى ەل اۋماعىنان شىعارۋ تۋرالى 674 سوت شەشىمى شىعارىلدى. بارلىق شىعارىلعاندارعا بەس جىلعا قازاقستانعا كىرۋگە تىيىم سالىندى. ءوز ەلىندە قىلمىس جاساعانى ءۇشىن ىزدەۋدە جۇرگەن 22 شەتەلدىك ۇستالدى"، - دەدى ءىىم باسپا ءسوز حاتشىسى شۇعىلا تۇرلىبەك.
ول 2022 جىلدىڭ قاراشاسىندا جامبىل وبلىسىندا شەكارا قىزمەتى مەن ۇقك بىرلەسىپ قازاقستانعا زاڭسىز كىرگەن پاكىستاننىڭ توعىز ازاماتىن، قىرعىزستاننىڭ ءبىر ازاماتىن انىقتاعانىن ايتتى.
ءىىم وكىلىنىڭ ايتۋىنشا، زاڭسىز كوشىپ كەلۋشىلەرگە باسپانا بەرگەن تۇلعالارعا قاتىستى سوتالدى تەرگەۋ جۇرگىزىلىپ جاتىر.