بۇل تۋرالى ەنەرگەتيكا ءمينيسترى بولات اقشولاقوۆ مالىمدەدى.
ءمينيستردىڭ ايتۋىنشا، قازاقستاندا ماينەرلەر ەلدە تاپشىلىق تۋىنداعان جاعدايدا ەلەكتر قۋاتىنان اجىراتىلۋى مۇمكىن، دەپ حابارلايدى Almaty-akshamy.kz
«كىمدەر ماينەر دەپ تانىلاتىنى تۋرالى ەرەجە الدەقاشان قابىلدانعان. ءبىراق ەلدە ەلەكتر ەنەرگياسى تاپشى بولسا، ولاردى وشىرۋگە قۇقىعىمىز بار. ياعني، ولاردىڭ جۇمىس ىستەۋگە دەگەن ءسوزسىز قۇقىعى جوق»، - دەپ ءتۇسىندىردى ۆەدومستۆو باسشىسى ءماجىلىستىڭ ۇكىمەت ساعاتىنان كەيىن.
ءمينيستردىڭ ايتۋىنشا، ۆەدومستۆو QazaqGaz ۇلتتىق كومپانياسىمەن بىرلەسىپ تۇتىنۋشىلاردىڭ جاڭا ساناتتارىن: ءىرى كوممەرسيالىق تۇتىنۋشىلاردى جانە سيفرلىق وندىرۋمەن اينالىساتىن تۇلعالاردى زاڭنامالىق تۇرعىدان ەنگىزۋ ماسەلەسىن پىسىقتاپ جاتىر.
1 قاڭتاردان باستاپ قازاقستاندا سيفرلىق ماينينگ الىمى ەنگىزىلدى. ول تۇتىنىلعان ەلەكتر ەنەرگياسىنىڭ ناقتى مولشەرى ءۇشىن الىنادى. 2022 جىلدىڭ ءبىرىنشى توقسانىنىڭ قورىتىندىسى بويىنشا تولەم رەتىندە بيۋدجەتكە 652 ميلليون تەڭگە تۇسكەن.