ەلەكتروندىق بيلەتتەۋ جۇيەسى ەنگىزىلدى.
قازاقستان ۇكىمەتى جولاۋشىلار تاسىمالىن دامىتۋ بويىنشا جۇيەلى شارالاردى ەنگىزىپ جاتىر، دەپ حابارلايدى Almaty-akshamy.kz.
«2020 جىلعى قاراشادا پرەمەر-مينيستردىڭ وكىمىمەن قالالىق ەلدى-مەكەندەردەگى جولاۋشىلار تاسىمالىن دامىتۋ جونىندەگى شارالار كەشەنى بەكىتىلگەن بولاتىن. اتالعان كەشەن جەرگىلىكتى اتقارۋشى ورگانداردىڭ وڭىرلەردەگى الەۋمەتتىك ماڭىزى بار كولىك قاتىناستارىن تولىق سۋبسيديالاۋىن قامتاماسىز ەتۋ جونىندەگى مىندەتتەمەلەرىن كوزدەيدى»، - دەيدى ييدم باسپا ءسوز قىزمەتىنىڭ حابارلاماسىندا.
سونداي-اق كەلىسىلگەن الەۋمەتتىك-ەڭبەك ساياساتىن جۇرگىزۋدىڭ جالپى قاعيداتتارى مەن سالا قىزمەتكەرلەرىنىڭ الەۋمەتتىك-ەكونوميكالىق جانە ەڭبەك قۇقىقتارىن قورعاۋدى كۇشەيتۋ ماقساتىندا اۆتوموبيل كولىگى سالاسىنداعى الەۋمەتتىك ارىپتەستىك جونىندەگى 2021-2023 جىلدارعا ارنالعان سالالىق كەلىسىمگە قول قويىلدى.
تاسىمالداۋ ناتيجەسىندە تۇسەتىن كىرىستىڭ اشىقتىعىن قامتاماسىز ەتۋ ءۇشىن رەسپۋبليكالىق ماڭىزى بار قالالار مەن بارلىق وبلىس ورتالىقتارىندا ەلەكتروندىق بيلەتتەۋ جۇيەسى ەنگىزىلدى.
ۇكىمەتتىڭ 2021 جىلعى 21 قىركۇيەكتەگى № 644 قاۋلىسىمەن بەكىتىلگەن كولەڭكەلى ەكونوميكاعا قارسى ءىس-قيمىل جونىندەگى 2021-2023 جىلدارعا ارنالعان كەشەندى ءىس-شارالار جوسپارى شەڭبەرىندە ۆەدومستۆوارالىق جۇمىس توبى قۇرىلدى. سونىمەن بىرگە قازاقستان رەسپۋبليكاسى زاڭناماسىنىڭ تالاپتارىنا قاراما-قايشى كەلەتىن جولاۋشىلار تاسىمالىنا جول بەرمەۋ جونىندەگى جول كارتاسى قابىلداندى. بۇل زاڭسىز تاسىمالداۋدىڭ الدىن الۋ بويىنشا ماڭىزدى شارا بولىپ تابىلادى.
ايتا كەتەرلىگى، پاندەمياعا بايلانىستى 2020 جىلدىڭ 17 ناۋرىزىنان باستاپ توقتاتىلعان تۇراقتى حالىقارالىق اۆتوبۋس قوزعالىسى بيىل 3 مامىردان باستاپ قايتا ىسكە قوسىلدى.
قازىرگى تاڭدا قازاقستاندا جولاۋشىلار تاسىمالىن تۇراقتى نەگىزدە 15،5 مىڭ اۆتوبۋسى بار 1039 كومپانيا جۇزەگە اسىرادى، ال حالىقارالىق تاسىمالداۋدى اۆتوبۋس پاركىندە 610 تەحنيكاسى بار 61 كاسىپورىن جۇرگىزەدى.