بۇعان ازىق-تۇلىك قىمباتشىلىعى دا ايتارلىقتاي ۇلەس قوسىپ وتىر.
بۇل تۋرالى ۇلتتىق بانك ءتوراعاسى عالىمجان ءپىرماتوۆ مالىمدەدى، دەپ حابارلايدى Almaty-akshamy.kz
ونىڭ ايتۋىنشا، ينفلياسيانىڭ ايلىق ديناميكاسى بيىل ناۋرىز ايىنداعى ەڭ جوعارى كورسەتكىشتەن تومەندەگەنىنە قاراماستان، ورتاشا جىلدىق ماندەردەن ءبىرشاما اسىپ، جەدەلدەي باستادى.
«وقۋ جىلىنىڭ وففلاينعا تولىق ءوتۋى، رەسەيدە جاريالانعان ءىشىنارا موبيليزاسيادان كەيىن كورشى ەلدەن حالىقتىڭ اعىلۋى اياسىندا باسپانانى جالداۋ اقىسى بويىنشا، سونداي-اق ءبىلىم بەرۋ قىزمەتى مەن كەڭسە تاۋارلارى بويىنشا سوڭعى ەكى ايدا باعانىڭ ايتارلىقتاي وسكەنى بايقالدى. جىلدىق ماندە ينفلياسيا 17،7%-كە جەتتى»، - دەدى ءپىرماتوۆ.
ينفلياسياعا ازىق-تۇلىك قىمباتشىلىعى ايتارلىقتاي ۇلەس قوسىپ وتىر. ازىق-تۇلىك ونىمدەرىنىڭ ينفلياسياسى جىلدىق ماندە 22،2%-تەن استى.
ازىق-تۇلىككە جاتپايتىن ينفلياسيا دا يمپورتتىق تاۋارلاردىڭ قىمباتتاي تۇسۋىنەن جانە ولارعا سۇرانىستىڭ جوعارى بولۋىنان 17%-كە دەيىن جىلدامدادى. اقىلى قىزمەت كورسەتۋ ينفلياسياسى 12،3%ء-تى قۇرادى.