الماتىدا باسپاناسىز قالىپ، قيىن جاعدايعا تاپ بولعان ستۋدەنتتەرگە كومەك كورسەتۋ ءۇشىن قۇرىلعان جەدەل شتاب بار.
ەكى ايدا 200-گە جۋىق قوڭىراۋ ءتۇستى. حابارلاسقانداردىڭ اراسىندا ستۋدەنتتەر مەن اتا-انالار، قوناق ۇيلەر مەن حوستەلدەردىڭ يەلەرى، قاراپايىم قالا تۇرعىندارى دا بار، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
137 ستۋدەنت باسپاناعا مۇقتاج ەكەنىن ايتقان. ونىڭ 58ء-ى - ءبىرىنشى كۋرس ستۋدەنتى. ولارعا باسقا وقۋ ورىندارىنىڭ جاتاقحانالارىنان، قوناقۇيلەر مەن حوستەلدەردەن ورىندار ۇسىنىلدى. الماتىدا 35 جوعارى وقۋ ورنى بار، وندا 190 مىڭنان استام ستۋدەنت ءبىلىم الادى. ءقازىر ولارعا قۇنى 12-15 تەڭگە ارالىعىنداعى بولمەلەر ۇسىنىلىپ وتىر. سونداي-اق، ۋنيۆەرسيتەتتەر مەن كوللەدجدەر حوستەلدەرمەن كەلىسسوزدەر جۇرگىزىپ جاتىر.