جاستاردىڭ جاسى 29-دان 35-كە دەيىن ۇلعايتىلدى.
بۇل ءوز كەزەگىندە جاستاردىڭ ۇلەسىن 3،7 ميلليوننان 6 ميلليون ادامعا دەيىن ءوسىردى، دەپ حابارلايدى Almaty-akshamy.kz
26 اقپان كۇنى "ق ر كەيبىر زاڭنامالىق اكتىلەرىنە مەملەكەتتىك جاستار ساياساتى جانە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ كۇشىنە ەندى.
اتاپ ايتقاندا، "مەملەكەتتىك جاستار ساياساتى تۋرالى" زاڭدا قازاقستاننىڭ 14 پەن 35 جاس ارالىعىنداعى ازاماتتارى "جاستار" بولىپ تانىلادى دەگەن نورما بار ەدى.
وسىلايشا، جاستاردىڭ جاسى 29-دان 35-كە دەيىن ۇلعايتىلدى. بۇل ءوز كەزەگىندە جاستاردىڭ ۇلەسىن 3،7 ميلليوننان 6 ميلليون ادامعا دەيىن ءوسىردى.
زاڭناماداعى جاستاردىڭ جاسى ۇلعايۋى قازاقستاندىقتارعا مەملەكەتتەن قولداۋ الۋعا جانە مەملەكەتتىك باعدارلامالارعا قاتىسۋعا مۇمكىندىك بەرەتىنىن اتاپ وتكەن ءجون.
زاڭ سونىمەن قاتار مىنا ۇعىمداردى ەنگىزەدى:
ۋاقىتشا جۇمىسسىز جاستار (NEET ساناتتارى).
جاس مامان.
جاستار ەڭبەك ۇجىمدارى.
"قازاقستاننىڭ كەيبىر زاڭنامالىق اكتىلەرىنە مەملەكەتتىك جاستار ساياساتى جانە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭعا مەملەكەت باسشىسى 2022 جىلعى 26 جەلتوقساندا قول قويدى.