الماتىدا پاتەر توناۋمەن اينالىسقان توپ ۇستالدى

پاتەر توناۋشىلار قولعا ءتۇستى.

ولاردى قالالىق كريمينالدىق پوليسيانىڭ ارنايى توبى مەن الاتاۋ اۋداندىق پوليسيا باسقارماسىنىڭ قىزمەتكەرلەرى جەدەل ىزدەستىرۋ ءىس-شارالارى بارىسىندا ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.

«سوڭعى “ءىس” بويىنشا احرەمەنكو كوشەسىنىڭ بويىنداعى پاتەردەن جابىرلەنۋشىلەردىڭ 75 مىڭ تەڭگە تۇراتىن مۇلكى جوعالىپ كەتكەن. ۇستالعاندار زاتتاي ايعاق – قول ساعاتتاردان قۇتىلىپ ۇلگەرمەگەن، ولار تاركىلەندى جانە قىلمىستىق ءىس ماتەريالدارىنا تىگىلدى. كۇدىكتى – 33 جاستاعى ت. ەسىمدى ازامات، الماتى وبلىسىنىڭ تۋماسى، بۇرىن مۇلىكتىك قىلمىستار جاساعانى ءۇشىن سوتتالعان، تاعى ءبىر سىبايلاسى – 29 جاستاعى ب. ەسىمدى ازامات، ول دا ۇرلىق جاساعانى ءۇشىن بۇرىن سوتتى بولعان. سونىمەن قاتار ۇرلانعان زاتتاردى ساتىپ الدى دەگەن كۇدىكپەن 37 جاستاعى ك. ەسىمدى ازامات ۇستالدى. ۇستالعاندار ۋاقىتشا ۇستاۋ يزولياتورىنا قامالدى. قازىرگى ۋاقىتتا ولاردىڭ الاتاۋ اۋدانىنداعى ءۇش پاتەر توناۋىنا قاتىسى بار بولۋى مۇمكىن ەكەنى انىقتالدى. ق ر قك-نىڭ 188-بابىنىڭ 3-بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.

بايانداماشىنىڭ ايتۋىنشا، قىلمىستىق ءىستىڭ باسقا دا ءمان-جايلارى ق ر قپك-نىڭ 201-بابى جانە ق ر كونستيتۋسياسىنىڭ نورمالارىنا سايكەس جاريا ەتۋگە جاتپايدى.