ماماندار بيتۋمنىڭ ساپاسىنا جاڭا تالاپتاردى ەنگىزىپ جاتىر.
قازاقستانداعى اۆتوموبيل جولدارىنىڭ قۇرىلىسى مەن جوندەۋ جۇمىستارىنا پايدانىلاتىن بيتۋم، وتاندىق ستاندارت بويىنشا شىعارىلاتىن بولدى، دەپ حابارلايدى Almaty-akshamy.kz.
«ەلىمىزدەگى اۆتوموبيل جولدارى سالاسىنداعى ساياساتتى جۇزەگە اسىراتىن ورتالىق مەملەكەتتىك ورگان رەتىندە ق ر يندۋستريا جانە ينفراقۇرىلىمدىق دامۋ مينيسترلىگى جولداردىڭ ساپاسى مەن ونداعى جوندەۋ جۇمىستارىنا باقىلاۋ جۇرگىزۋدى ارتتىرۋ ماقساتىندا ءبىرقاتار كەشەندى شارالاردى قولعا الۋدا»، - دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
جول قۇرىلىسى مەن جوندەۋ جۇمىستارىندا ماڭىزدى ەلەمەنتتىڭ ءبىرى – جول بيتۋمى. ونىڭ ساپاسى مەن قوسپا ماتەريالدارىنىڭ قۇرامى ۇلكەن ءرول اتقارادى.
بۇرىن بيتۋم وتاندىق مۇناي وڭدەۋ زاۋىتتارىندا كەڭەس وداعى كەزىندەگى مەملەكەتتىك ستاندارتقا سايكەس وندىرىلەتىن. ال بۇگىندە بيتۋم قازاقستاندىق تالاپ بويىنشا شىعارىلادى. بۇل ستاندارت – الەمدىك ۇزدىك تاجىريبەلەردى نەگىزگە الا وتىرىپ دايىندالعان. ول جول قۇرىلىسى مەن جوندەۋ جۇمىستارىندا پايدالانىلاتىن بيتۋمنىڭ ساپاسىنا جاڭا تالاپتاردى ەنگىزىپ، ونىڭ قۇرامىن جەتىلدىرەدى. ءوز كەزەگىندە تىڭ تاسىلمەن وندىرىلەتىن بيتۋم جول جابىندىسىنىڭ بەرىكتىك قاسيەتىن ۇزاق ۋاقىتقا ساقتايدى.
وسىعان وراي وتاندىق زاۋىتتار قۇرال-جابدىقتارىن جاڭارتىپ، بيتۋم ءوندىرىسىن زاماناۋي ستاندارتتارعا جاۋاپ بەرەتىندەي جاڭعىرتۋى ءتيىس.