جولداردىڭ ساپاسى اكىمدەردىڭ رەيتينگىنە اسەر ەتەدى.
يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ قازاقستانداعى اكىمدەردىڭ رەيتينگى جول ساپاسى ارقىلى انىقتالاتىنىن ايتتى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
مينيستر ورىندالعان جۇمىستاردىڭ ساپاسىن باقىلاۋدى ارتتىرۋ ماقساتىندا «كولىك تۋرالى» زاڭ جوباسى اياسىندا كەپىلدىك مەرزىمىندە مەردىگەرلەرمەن تەڭ دارەجەدە اۆتورلىق جانە تەحنيكالىق قاداعالاۋدىڭ بىرلەسكەن جاۋاپكەرشىلىگى ەنگىزىلگەنىن اتاپ ءوتتى.
"سونىمەن قاتار، جول ساپاسىن قامتاماسىز ەتۋ ءۇشىن مىڭنان اسا نورماتيۆتىك قۇقىقتىق اكت قايتا قارالىپ جاتىر. وڭىردەگى جولداردىڭ ساپاسى بويىنشا اكىمدەردىڭ رەيتينگىن انىقتاۋدىڭ ادىستەمەسى ازىرلەندى"، – دەدى ق. وسكەنبايەۆ ۇكىمەت وتىرىسىندا.