قۇجات 4 تامىزعا دەيىن قوعام تالقىسىنا شىعارىلدى
قازاقستاندا ۆيچ-پەن اۋىراتىن ادامدارعا بالا اسىراپ الۋعا رۇقسات بەرۋ قاراستىرىلىپ جاتىر. دەنساۋلىق ساقتاۋ مينيسترلىگى تاراپىنان ءتيىستى بۇيرىق جوباسى دا ازىرلەندى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
«ادامنىڭ بالا اسىراپ الۋى، ونى قورعانشىلىققا نەمەسە قامقورشىلىققا، پاتروناتقا قابىلداپ الۋى مۇمكىن بولمايتىن اۋرۋلاردىڭ تىزبەسىنەن ادامنىڭ جۇقتىرىلعان يممۋن تاپشىلىعى سيندرومى (جيتس) جانە ادامنىڭ يممۋن تاپشىلىعى ۆيرۋسىن (ايتۆ) الىپ تاستاۋ كوزدەلگەن»، - دەلىنگەن «اشىق نقا» پورتالىنا جاريالانعان قۇجاتتا.
سالىستىرمالى كەستەدە كورسەتىلگەندەي، «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ 79-بابى 5-تارماعىنا سايكەس، ايتۆ ينفەكسياسىن جۇقتىرعان قازاقستاندىقتاردىڭ زاڭناماعا سايكەس قازاقستان رەسپۋبليكاسىنىڭ باسقا ازاماتتارىمەن تەڭ دارەجەدە بالا اسىراپ الۋعا قۇقىعى بار.