ۆاكسينا سالدىرعاندار سانى بويىنشا الماتى قالاسى الدىڭعى ورىندا
ەلىمىزدە كوروناۆيرۋس ۆاكسيناسىن سالدىرۋعا قاتىستى 25 قازانداعى مالىمەت جاريالاندى، دەپ حابارلايدى Almaty-akshamy.kz دەنساۋلىق ساقتاۋ مينيسترلىگىنە سىلتەمە جاساپ.
25 قازانداعى مالىمەت بويىنشا، قازاقستاندا ۆاكسينانىڭ I كومپونەنتىن 8 168 114 ادام سالدىردى، II كومپونەنتپەن 7 329 137 ادام ەگىلدى.
ۆاكسينا سالدىرعاندار سانى بويىنشا الماتى قالاسى الدىڭعى ورىندا، قالادا 986 974 تۇرعىن ۆاكسينانىڭ ءبىرىنشى كومپونەنتىن، 926 752 ادام ەكىنشى كومپونەنتىن سالدىرعان.
ەكپە الۋدان ەكىنشى ورىندا - تۇركىستان وبلىسى. وڭىردە 962 838 ادام كوروناۆيرۋس ۆاكسيناسىنىڭ 1-كومپونەنتىن، 863 661 ادام 2-كومپونەنتىن ەگىلگەن.
ءۇشىنشى ورىندا - شىعىس قازاقستان وبلىسى، مۇندا 853 984 ادام ەكپەنىڭ ءبىرىنشى بولىگىن السا، 741 808 ادام ەكىنشى بولىگىن قابىلداعان.
