فيلمدەر قالا تۇرعىندارىنا تەگىن كورسەتىلەدى
تۇركيا رەسپۋبليكاسى مادەنيەت جانە تۋريزم مينيسترلىگىنىڭ كينەماتوگرافيا دەپارتامەنتىنىڭ سالىمدارى جانە تۇركيا رەسپۋبليكاسى سىرتقى ىستەر مينيسترلىگىنىڭ الماتىداعى باس كونسۋلدىعىنىڭ قولداۋىمەن «يەرلي دۇشۇنجە» اسسوسياسياسى ۇيىمداستىرعان 6-شى تۇرىك كينوسى اپتالىعى وتەدى، دەپ حابارلايدى Almaty-akshamy.kz.
2021 جىلدىڭ 27 قازانىندا كينو جانە باسپا ءسوز قاۋىمداستىقتارى وكىلدەرىنىڭ قاتىسۋىمەن 6-شى تۇرىك كينوسى اپتالىعى الماتى ءىس-شاراسىنىڭ اشىلۋ سالتاناتى قالاداعى «ارمان» كينوتەاترىندا مەحمەت ادا وزتەكين كينوعا تۇسىرگەن «7ء-شى كامەراداعى كەرەمەت» ءفيلمىنىڭ كورسەتىلۋىمەن جۇزەگە اسادى.
كينەماتوگرافيانىڭ كۇشىنە نەگىزدەلگەن قازاقستان مەن تۇركيا اراسىندا تاعى ءبىر كوپىر سالۋدى ماقسات ەتكەن تۇرىك فيلمدەرىنىڭ اپتالىعىندا كاسىبي رەجيسسەرلەردىڭ ماراپاتتالعان تۋىندىلارى، سونداي-اق تانىمال فيلمدەر ۇسىنىلادى. وعان قوسا بۇل ۇزدىك فيلمدەر تۇرىك كينوسىن شولۋعا «پانورامالىق» مۇمكىندىك بەرەدى.
2021 جىلدىڭ 27-31 قازانى ارالىعىندا الماتىدا وتەتىن 6-شى تۇرىك فيلمدەرىنىڭ اپتالىعىندا «7ء-شى كامەراداعى كەرەمەت»، «باسكەتبول ساقيناسى»، «ماۋزەر»، «ماحاببات ءومىرى» سياقتى فيلمدەر مەن انيماسيالىك «رافادان تايفا: كىندىك-توبە»، «حابارلاندىرۋ» فيلمدەرى كورەرمەنگە تەگىن كورسەتىلەدى.
اسىرەسە، وسى اپتادا فيلم كورسەتىلىمىنەن كەيىن ارتىستەر مەن كورەرمەندەر اراسىندا كەزدەسۋلەر وتەدى. ءال-فارابي ۋنيۆەرسيتەتىنىڭ ستۋدەنتتەرىمەن تۇرىك كينوسى بويىنشا سۇحبات وتەدى. ءىس-شارا اياسىندا تۇركيادان كەلگەن رەجيسسەرلەر، اكتەرلەر مەن پروديۋسەرلەر قازاقستاندىق كينو ارتىستەريمەن كەزدەسەدى، سونىمەن قاتار ەكىجاقتى كەلىسسوزدەر مەن بىرلەسكەن تۋىندىلاردى قۇرۋ بويىنشا سۇحباتتار جۇرگىزىلەدى.