ەلىمىزدە ۇزدىك اۋىل اكىمى انىقتالدى

بايقاۋعا ەلىمىزدىڭ 14 وڭىرىنەن جۇزدەن استام اۋىلدىق وكرۋگ اكىمدەرى ءوتىنىش بەرگەن

العاداي جامبىل قازاقستاننىڭ ۇزدىك اۋىل اكىمى بولدى، دەپ حابارلايدى Almaty-akshamy.kz مەملەكەتتىك قىزمەت ىستەرى اگەنتتىگىنە سىلتەمە جاساپ.

باتىس قازاقستان وبلىسى تاسقالا اۋدانى شەجىن اۋىلدىق وكرۋگىنىڭ اكىمى العاداي جامبىل وسى اۋداندا تۋىپ-وسكەن، ماماندىعى – ءمۇعالىم.

ول ەڭبەك جولىن تاسقالا اۋدانىندا باستاعان، 2019 جىلى مەملەكەتتىك قىزمەتكە ورنالاسقان.

كونكۋرستىڭ رەسپۋبليكالىق كەزەڭىندە ول ەت جانە ءسۇت ونىمدەرىن قايتا وڭدەۋ جانە اۋىل شارۋاشىلىعى كووپەراتيۆتەرىن جۇزەگە اسىرۋ ارقىلى قوسىمشا جۇمىس ورىندارىن قۇرۋعا باعىتتالعان جوباسىن قورعادى.

ەكىنشى ورىندى جامبىل وبلىسى جامبىل اۋدانى پولاتقوسشى اۋىل وكرۋگىنىڭ اكىمى ەرجان دانايەۆ جانە تۇركىستان وبلىسى تولەبي اۋدانى جوعارعى اقسۋ اۋىل وكرۋگىنىڭ اكىمى ءابدىقادىر سيقىمبايەۆ، ءۇشىنشى ورىندى پاۆلودار وبلىسى جەلەزين اۋدانى باشماچين اۋىل وكرۋگىنىڭ اكىمى مەرۋەرت ماداعۇلوۆا مەن الماتى وبلىسى پانفيلوۆ اۋدانى ايدارلى اۋىل وكرۋگىنىڭ اكىمى ايدار يسايەۆ الدى.

سونىمەن بىرگە قاراعاندى وبلىسى اقتوعاي اۋدانى تاسارال اۋىل وكرۋگىنىڭ اكىمى نۋرجان سەيتوۆ «ۇزدىك شارۋاشىل اكىم»، اقمولا وبلىسى ستەپنوگورسك قالاسى اقسۋ كەنتىنىڭ اكىمى مارات سماعۇلوۆ «اشىق اكىم»، قىزىلوردا وبلىسى جالاعاش اۋدانى اقسۋ اۋىل وكرۋگىنىڭ اكىمى قانات نيەتقۇلوۆ «ۇزدىك الەۋمەتتىك جوبا» نوميناسياسىن يەلەندى.

كونكۋرس جەڭىمپازى «ۇزدىك اۋىل اكىمى» ستاتۋەتكاسىمەن، سونىمەن بىرگە ءارتۇرلى نوميناسيا يەگەرلەرى مەملەكەتتىك قىزمەت ىستەرى اگەنتتىگى ءتوراعاسىنىڭ قۇرمەت گراموتالارىمەن ماراپاتتالادى.

كونكۋرسقا قاتىسۋ ءۇشىن ەلىمىزدىڭ 14 وڭىرىنەن جۇزدەن استام اۋىلدىق وكرۋگ اكىمدەرى ءوتىنىش بەرگەن. كونكۋرسقا تۇركىستان وبلىسىنان 21 اكىم، باتىس قازاقستان وبلىسىنان 15 اكىم جانە جامبىل وبلىسىنان 14 اكىم قاتىسقان.