قارجى پيراميدالارىن جارنامالايتىن 52 سىلتەمە بۇعاتتالدى
باس پروكۋراتۋرانىڭ كۇدىگىنەن كەيىن 13 قارجىلىق پيراميدانىڭ ۇستىنەن سوتقا دەيىنگى تەرگەۋ باستالدى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.
بۇل تۋرالى «كيبەرقاداعالاۋ» اقپاراتتىق جۇيەسىنىڭ كومەگىمەن قارجى پيراميدالارىن جارنامالايتىن 52 سىلتەمە بۇعاتتالدى.
ق ر باس پروكۋرورى عيزات نۇرداۋلەتوۆ ءماجىلىس وكىلدەرىنىڭ دەپۋتاتتىق ساۋالىنا بەرگەن جاۋابىندا ءمالىم ەتتى.
«زاڭسىز قارجى وپەراسيالارى فاكتىلەرىنىڭ جولىن كەسۋ ءۇشىن ق ر قارجى مونيتورينگى اگەنتتىگى 2020 جىلعى 12 مامىردا قارجى پيراميدالارىنىڭ تيپولوگياسىن، ولاردىڭ كۇدىك كريتەرييلەرىن جانە جۇمىس ىستەۋ سحەمالارىن ءتۇزىپ شىقتى. نەگىزگى ولشەمدەر سالىنعان قاراجاتتان الدەقادا مول تابىس ۋادە ەتۋ، ءاربىر جاڭا قاتىسۋشى ءۇشىن بونۋستار تولەۋ سياقتى 16 بەلگىدەن تۇرادى»، - دەلىنگەن باس پروكۋروردىڭ جاۋابىندا.
ونىڭ ايتۋىنشا، قارجى مونيتورينگىسىنىڭ سۋبەكتىلەرى سول تيپولوگيا بويىنشا ءوز كليەنتتەرىنىڭ ارەكەتىن ءجىتى باقىلاپ، كۇدىكتى وپەراسيالار بايقالسا، قارجىلىق مونيتورينگ اگەنتتىگىنە حابارلاۋعا مىندەتتى.
«قارجى پيراميداسىنىڭ بەلگىلەرى جانە ولارعا بەلگىلى ءبىر جەكە جانە زاڭدى تۇلعالاردىڭ قاتىسى بار-جوعى راستالعان جاعدايدا قارجىلىق مونيتورينگ اگەنتتىگى قۇقىق قورعاۋ ورگاندارىنا اقپارات جىبەرەدى جانە بۇل تۋرالى باس پروكۋراتۋراعا حابارلايدى. بۇگىنگى تاڭدا اگەنتتىك جالپى سوماسى 4،9 ملرد تەڭگە سالعان 21 سالىمشىنى جولدادى. ونىڭ ىشىندە 10،6 مىڭ سالىمشىنىڭ 3،6 ملرد تەڭگەسىنە يەلىك ەتكەن 13 قارجى پيراميداسىنىڭ بەلگىلەرى تۋرالى اقپارات راستالدى. سوتقا دەيىنگى تەرگەۋ باستالدى»، - دەپ تۇيىندەدى باس پروكۋرور.