قازاقستاندا العاش رەت ۇستەل تەننيسىنەن «2021 ITTF Kazakhstan International Open» حالىقارالىق ءتۋرنيرى وتەدى
15-19 قىركۇيەك ارالىعىنا جوسپارلانعان ءدۇبىرلى دودا قاراعاندى قالاسىنداعى جاڭا «Saryarka» ۇستەل تەننيس ورتالىعىندا ۇيىمداستىرىلادى، دەپ حابارلايدى Almaty-akshamy.kz
بايراقتى باسەكەگە اۆستريا، ساۋد ارابياسى، ءۇندىستان، بەلارۋس، رەسەي، وزبەكستان، قىرعىزستان، موڭعوليا مەن قازاقستاننان 70 -تەن استام سپورتشى قاتىسادى. جۇلدە قورى 30 مىڭ اقش دوللارىن قۇرايتىن بۇل بەدەلدى جارىس ITTF حالىقارالىق ۇستەل تەننيسى فەدەراسياسىنىڭ تمد ەلدەرىندەگى بيىلعى جالعىز رەيتينگتىك ءتۋرنيرى بولىپ تابىلادى.
ەكى وليمپيادا ويىندارىنىڭ قاتىسۋشىسى جانە ۇلتتىق قۇرامانىڭ كوشباسشىسى كيريلل گەراسيمەنكو تۋرنيرگە قازاقستان قۇراماسىنىڭ قۇرامىندا قاتىسادى. ءتۋرنيردى Qazsport تەلەارناسى مەن حالىقارالىق ITTF فەدەراسياسىنىڭ رەسمي سايتى تىكەلەي كورسەتەدى.