فۋتبول جۇلدىزى جاڭا بەلەسكە كوتەرىلدى
پورتۋگاليا قۇراماسىنىڭ كاپيتانى كريشتيانۋ رونالدۋ تاعى ءبىر الەمدىك رەكوردتى ورناتتى، دەپ حابارلايدى Almaty-akshamy.kz رrosports.kz-كە سىلتەمە جاساپ.
فورۆارد 2022 جىلعى الەم چەمپيوناتىنىڭ ىرىكتەۋ كەزەڭىندە يرلانديا قاقپاسىنا ەكى گول سوعىپ، كومانداسىنا جەڭىس سىيلادى.
ول بۇل ماچتا ۇلتتىق قۇراما ساپىنداعى 110-گولىن سالىپ، ەسەپتى تەڭەستىرگەن. وسىلايشا كريشتيانۋ يراندىق فورۆارد الي داەيدەن وزىپ كەتتى، بۇل فۋتبولشى ءوز قۇراماسى ساپىندا 109 گول سالعان. كەيىن رونالدۋ يرلانديا قاقپاسىنا تاعى ءبىر گول سوعىپ، ءوز رەكوردىن جاڭارتتى.
بۇل ويىن 2:1 ەسەبىمەن پورتۋگاليالىقتاردىڭ جەڭىسىمەن اياقتالدى. كريشتيانۋ رونالدۋدىڭ ەنشىسىندە ءقازىر ءبىرقاتار الەمدىك رەكورد بار.
فۋتبولشى بيىل ەۋروپا چەمپيوناتتارى تاريحىنداعى ۇزدىك سۇرمەرگەن اتانعان - 14 گول. سونىمەن قاتار، ول چەمپيوندار ليگاسىنىڭ (129 گول) ۇزدىك سۇرمەرگەنى. كارەراسىندا وننان اسا ماڭىزدى رەكورد ورناتقان.